安安燒 (染布房街) (Closed)

好耐無去食串燒啦😋 🍢 安安燒以前跟老公拍拖時食過~~最近再去食仍然 Keep 到水準！Menu好多款食物選擇，上菜速度都好快~~每款都熱辣辣🔥🔥 好惹味 🔼必點秘製三重芝士撈麵 🧀用左 blue cheese、巴馬臣芝士、車打芝士再加上秘製醬料混合的芝士醬 😍 超濃超多芝士味🧀麵質彈牙，每一啖都有滿滿的芝士醬！但記得上碟後要即食！因芝士擺太耐會變硬，好難將芝士撈混 🔼燒茄子大大條好抵食呀！滿滿既蒜蓉，香辣惹味 🔼燒娃娃菜第一次吃燒菜，原來口感都唔錯！ 🔼安格斯牛柳串一樣必叫系列😋 雖然價錢略貴，但水準好高值得一試！牛柳唔會燒得好乾，肉質嫩滑又多汁，而且好入味 🔼叉燒肋排粒醬汁偏甜，肉質好軟熟 🔼麻吉年糕燒中間心有一層煙煙韌韌的年糕，外層燒到脆口的口感，整體口感好特别 🔼蒜蓉燒扇貝滿滿的蒜蓉配上葱同辣椒，只係賣相已好吸引！扇貝的鮮味加上香蒜，好想再食多幾隻😋 🔼鹽燒鯖花魚無骨，啖啖肉！味道剛剛好 🔼新鮮魷魚因配上醬汁燒，不會太乾身，份量都幾多呢🔼燒雞翼外脆內juicy 🔼 燒菠蘿好鮮甜多汁呢