烏龍燒 (Closed)

約一班好友出嚟食宵夜，串燒一定係最好選擇，位於旺角鬧市一間烏龍燒地點非常方便。這裏的食物有好多選擇，冷盤、肉類、海鮮等多種選擇。我哋點了兩個冷盤食先，麻辣豬耳，微辣非常爽口。味付青瓜螺肉-螺肉加入青瓜粒，感覺好Fresh。紫菜棉花糖串-包紫菜都係第一次食，感覺幾特別，棉花糖燒得軟綿綿再連埋紫菜一齊食，甜甜地好爽口。冬菇鹹蛋黃臘腸竹筒飯-店員棒來的時候已經香噴噴，食落口感非常豐富，食落好似糯米飯但又比糯米飯軟熟，鹹鹹香香非常惹味😋😋😋燒魚皮餃串-外皮燒得脆卜卜皮薄咬落啖啖肉。食完所有燒物之後，最驚喜就是店員拿來一人一碗糖水，圓肉杞子桃膠，清熱有養顏，簡直透心涼👍👍👍