品記鮮粉人家私房菜館

Open Now

Now Closed

雖然最近天氣好熱，但約一大班朋友食飯，點都要打下邊路，吹吓水。朋友介紹可以用WhatsApp訂枱，老闆都好快回覆。👍🥩手切本地肥牛打邊爐點少得肥牛。每一片肥牛嘅厚度都適中，比較鍾意佢依隻有油脂得來，紅肉嘅部份都比較多嘅牛，食落牛嘅鮮味幾突出。🍥手打墨魚滑墨魚滑嘅份量都較多，爽口彈牙。仲食到啲鮮蝦嘅味。🐏古法羊腩煲夏天都要補一補。羊腩煲上面有好多枝竹。個味都幾特別，係甜甜嘅滷水味，半都唔會特別騷，肉嘅部份都偏瘦。🐷白灼三鮮（豬粉腸、鵝腸、黑牛柏葉）呢個小食就清清地，攞嚟做小食都不錯。內臟都清潔得幾好，鵝腸同牛柏葉好爽口。