四合院 (Closed)

要去灣仔合和中心報名考試，搞掂後，路過以前囍帖街，重建後呢度靚左好多，有啲似外國的outlet ，但舖頭無一間啱行。穿返出去廈門街 ，呢度有好多餐廳，街尾有一間掛㾨紅燈籠的餐廳叫做四合院，門口有一個裝飾用的乾鍋，一問之下呢間原來係食京川菜的，就同我同行的同事一齊入去試下先。一睇餐牌就比個虎蝦鍋吸引住，必定要試下，揀左孜然味底香，貪佢無麻辣咁刺激但又無原味咁淡味。配菜多達30 種，要揀到爆鍋絕對唔成問題。我地揀左帶子、黑毛豬腩片、萵荀、地瓜、金針菇、枝竹、午餐肉。虎蝦長度有手板咁長，肉質彈牙爽口，而且每隻蝦都有切開背部，挑埋蝦腸，大廚認真細心。所以我可以放心去除蝦殻後大啖大啖咁食，痛快。數過，一鍋有6 大隻，正。萵荀、枝竹同地瓜都係我的最愛，孜然香味，令到所有配料味道都提升了，惹味非常，令人食指大動。嘈卤雞 即係醉雞，我一個人食左半碟，因為雞胸肉比例不少，啱我口味。雞肉沒有雪藏味，有淡淡的紹興酒香。涼拌木耳的調味醋比例恰到好處，沒有太酸，最適合作餐前小食，因為夠晒開胃。我地食緊個時不斷見到好多人黎搵位，聽到佢地大多數有重北方口音，一個人用餐又有，2-3 個朋友黎食飯傾計又有，外賣的人客也