火鍋煮場 (Closed)

今日到深水埗覓食，見到呢間名叫火鍋煮場既餐廳，餐牌上湯底選擇眾多，當中泰式冬蔭公($148)就最吸引我。我本身唔太食得辣，店員話呢冬蔭公唔辣，可以試試。推薦👍🏻泰式冬蔭公湯底配料豐富，有青口，海蝦，同埋勁多香料製成。香口得黎又唔會辣，味道偏甜，有海鮮香，而且愈煮愈濃味，超級正！我飲左好多碗湯！一口接一口！停唔到！推薦👍🏻花雕玫瑰牛肉($258)。唔知有冇人同我一樣好鐘意花雕酒醃製既肉類呢？撲面而來既酒香，牛肉上仲有幾朵玫瑰花。味道方面，本身仲擔心冬蔭公會蓋過酒香，點知事實相反，酒香依舊牢牢鎖係牛肉入面，無需蘸上任何醬料，酒香四溢既牛肉真係無得頂！推薦👍🏻孖寶丸($98)。呢到全部丸類都係自家製，口感彈牙爽口，味道濃郁。稻庭烏冬，配上冬蔭公湯底真係好惹味，索曬啲湯汁！紫菜響鈴($68)，新鮮即叫即炸既響鈴，熱辣辣，幾特別！就咁食都好正！食物非常好食👍🏻不過價錢進取左少少～