醉美島 (Closed)

今日約左朋友黎到元朗覓食，諗住睇下邊度可以食下chill下，行到嚟鳳攸南街，見到呢間最美島睇落都幾Chill下。餐廳都幾闊落，坐得都幾舒服，啱晒同fd吹水食野。-餐廳除咗有各種串燒之外，仲有海鮮鍋可以食，見到隔籬枱有叫都幾大份量，我哋得兩個人就應該不了，感覺會食唔晒。-真係都幾多嘢食，而且價錢都相宜，大大隻消耗都只不過係$38隻，另外仲有羊扒扇貝等等，不過如果想食海鮮嘅話真係要提早預訂，我同朋友即場嚟到，時間比較晏，除咗燒蠔之外，其他海鮮都冇晒了。-燒蠔好重蒜，食落非常香口，而且又大隻又肥美，真係幾抵食。另外仲叫咗雞泡魚干，個名都幾盞鬼，叫做「停唔到口雞泡魚乾」，又真係幾唔錯，食落鹹鹹地，而且好脆口，啱晒送酒。-另外仲叫咗好多串燒，有惹味臭豆腐串、五花肉串、牛串、豬頸肉串、金菇肥牛卷、雞軟骨、雞皮等等，可辣可唔辣，任君選擇。當中我特別鍾意五花肉串，五花肉脂肪分布非常之靚，咬落口各種口感層次都好出色，而且辣辣地好惹味。