Brick by Brick (Closed)

Brick by Brick係中環蘇豪區入面一間星馬酒吧餐廳，佢除左喇沙同肉骨茶多款紅白酒同啤酒供應。惹味肥牛堆咖哩喇沙湯麵($108) - 哩度嘅喇沙湯麵有多款唔多配料，價錢就取決於揀咩料。我地揀左肥牛堆，肥牛量都幾多，唔會切到碎濕濕。面頭仲跟左半隻流心蛋，蛋黃仲係流心架。麵底係油麵摻米粉，喇沙湯底非常濃郁，帶少少辣味，好惹味。火熱馬拉砂煲肉骨茶($148) - 肉骨茶上枱時熱辣辣，本身除左白飯，仲有跟油炸鬼同蒜香米。肉骨煲到好腍，離晒骨但又唔會太老，另外仲有啲菇同豆卜。茶湯係馬拉版，藥材味都幾重，好啱最近濕立立嘅天氣，飲完成個人暖晒。油炸鬼有三大舊，蒜香米餅好脆口，本身比較硬，建議浸落肉骨茶耐少少先食。