榮少喇沙 (Closed)

快閃市中心食個晚餐，中午食咗沙律，夜晚就食返濃味啲嘅喇沙。第一次堂食榮少喇沙，平日夜晚7:00嘅時間都幾乎滿座。之前試咗佢嘅喇沙好香濃，一於再點豬軟骨喇沙。最鍾意呢一度可以選擇唔同嘅麵底，甚至可以溝埋，最後點瀨粉溝米粉。我覺得有兩種粉口感更佳，兩種粉吸湯、掛湯嘅程度都唔同。喇沙湯底一如既往咁香，有椰漿味。豬軟骨份量比想像中多，同埋煮得好淋。獨食叫多咗份越南春卷，估唔到入邊有原隻蝦。外層脆卜卜，炸得唔油膩，咬落好彈牙。呢度採用自助手機落單好方便，店員亦都好友善。