Video
Read full review
2010-01-11
33 views
10月23日, 是夜同呀比走入旺角女人街搵野食~ 由於今晚想食d奇怪野~ 所以揀咗食土耳其野~ 不過呢間野裝修唔太起眼, 爭d就行過咗~::: 土耳其特式薄餅 ::: $25所謂的特式薄餅其實係夾咗芝士同番茄嘅薄餅~ 2塊加埋都有半個8吋pizza咁大架~ 薄餅烘得頗脆身, 內裡嘅芝士呈拉扯半溶狀態, 香得黎唔太濃味, 與番茄味道十分夾~~~ 不過一定要襯熱食! 凍咗就完全唔係嗰回事…::: 土耳其沙律 ::: $30呢個沙律有青瓜粒, 番茄粒, 洋蔥同生菜絲, 最特別係加咗d couscous落去. 味道係酸酸地再帶d黑椒嘅微辣~ 整體味道係清新醒胃嘅… 缺點係太多油! 就算係橄欖油呢d健康油都落得太多, 尤其是d couscous索晒d油, 食落口真係覺得好膩…::: 轉轉烤雜錦肉卷 + 土耳其紅茶 ::: $55佢地提供嘅肉係按星期四至日就雞肉和羊肉, 星期一至三就係牛肉和魚肉咁嘅~ 太好了~ 我地今日係雞同羊! 貪心嘅我地~ 梗係要晒2款啦~ 估唔到個kebab都幾大舊架wor! 餡料除咗有雞同羊之外, 有頭先土耳其沙律d番茄, 洋蔥, 生菜絲同埋d沙律醬~ 味道其實夠晒惹味…
::: 土耳其特式薄餅 ::: $25
所謂的特式薄餅其實係夾咗芝士同番茄嘅薄餅~ 2塊加埋都有半個8吋pizza咁大架~ 薄餅烘得頗脆身, 內裡嘅芝士呈拉扯半溶狀態, 香得黎唔太濃味, 與番茄味道十分夾~~~ 不過一定要襯熱食! 凍咗就完全唔係嗰回事…
::: 土耳其沙律 ::: $30
呢個沙律有青瓜粒, 番茄粒, 洋蔥同生菜絲, 最特別係加咗d couscous落去. 味道係酸酸地再帶d黑椒嘅微辣~ 整體味道係清新醒胃嘅… 缺點係太多油! 就算係橄欖油呢d健康油都落得太多, 尤其是d couscous索晒d油, 食落口真係覺得好膩…
::: 轉轉烤雜錦肉卷 + 土耳其紅茶 ::: $55
佢地提供嘅肉係按星期四至日就雞肉和羊肉, 星期一至三就係牛肉和魚肉咁嘅~ 太好了~ 我地今日係雞同羊! 貪心嘅我地~ 梗係要晒2款啦~ 估唔到個kebab都幾大舊架wor! 餡料除咗有雞同羊之外, 有頭先土耳其沙律d番茄, 洋蔥, 生菜絲同埋d沙律醬~ 味道其實夠晒惹味… 但可能d羊肉出油~ 搞到食到底個卷皮好油淋淋…
跟餐的土耳其紅茶濃香得黎有d香草味, 其實唔落糖都可以接受到~ 而且啱啱可以清咁d油膩感~ 不錯~
點解好似無人試過個土耳其特式薄餅? 我覺得成餐飯最好食係佢~ 其他都ok~ 不過係你睇得到的油膩…
Post
