老長沙湘菜館

Open Now

Now Closed

難得今日放假，嚟到港島一日遊，沉悶嘅落雨天，最適宜去食啲香香辣辣嘅嘢㗎啦，一於試吓呢一間位於西環嘅正宗湖南菜！餐廳嘅環境非常適合朋友聚會傾偈，對住大大嘅落地玻璃門，可以直接望到出邊嘅街景，地方唔算特別大，但枱凳坐得好舒服。侍應姐姐都非常熱情呀，主動向我哋介紹咗餐牌上面嘅特色，令我可以好快作出適合自己嘅選擇，佢哋出菜又好快，侍應姐姐好好招呼，會好貼心咁樣幫你擺好枱上面嘅餸菜，又主動加茶水。湖南小炒肉配以酸辣嘅香辣嘅辣椒同埋炒到好香好嫩嘅豬肉，永遠都係我心目中湖南菜嘅代表，另一位傑出代表——爆炒腰花，睇落好辣，實質上好易入口，非常香口，兩樣嘢都好送飯。食咗咁多肉，都係時候食啲青菜，走油後再爆炒的豆角炒茄瓜，加咗少少辣椒，升華咗，非常惹味！估唔到湖南菜都有唔辣嘅，糯米蒸排骨就係好例子，充滿荷葉香味嘅糯米好軟糯，排骨蒸到軟爛，入口即融，所以來到湖南菜館呢，就一定要試吓啦！難得香港都有咁正宗嘅湖南菜，價錢合理，份量則秉承成了湖南人的傳統，大大碟，性價比極高，值得回頭！