Video
Read full review
2021-08-11
1179 views
今日同朋友係旺角行完街之後就去左哩間好有日本feel既居酒屋食晚餐。點解揀哩間居酒屋既一個重要原因就係哩到只需要$168就可以無限次任飲日本酒，包括紅酒、白酒、清酒等等，淨係清酒已經有24款可以選擇，好啱鍾意飲日本酒既人。餐牌上面既選擇都好多，而且食物嘅性價比都幾高，今次我地就揀左以下食物share👇🏻🦪風味焗蠔四食 $99四食係指柚子醬、黑松露醬、明太子醬同埋蒜蓉四隻味，四隻味道都各有特色。柚子醬焗蠔有驚喜，味道酸甜開胃，裏面仲有啲沙律醬；黑松露醬焗蠔可以再濃味啲；明太子醬焗蠔味道濃郁；蒜蓉焗蠔香口惹味，四隻蠔都好新鮮肥美。🍢串燒（燒雞軟骨$12、燒牛舌$38、燒頂級牛小排串$48、燒鰻魚$38）燒雞軟骨夠香口；燒牛舌灑上黑椒，味道微辣惹味，而且一啲都唔韌；燒頂級牛小排串油脂豐富，肉質軟腍，牛味香濃；燒鰻魚非常厚身肥美，而且完全冇骨，特別推介牛小排同燒鰻魚👍🏻🍶清酒煮蜆 $48份量好多，入口超鮮甜，完全無沙。🍄蒜蓉雜菌 $38裏面有金針菇、雞髀菇同埋冬菇，勁香蒜蓉味。🍆孜然蒜蓉茄子 $38茄子好大條，上面加左好多孜然粉同蒜蓉，茄子肉夠霖，食落去多汁入味。🍲壽喜燒野菜頂級小肥牛鍋 $7
點解揀哩間居酒屋既一個重要原因就係哩到只需要$168就可以無限次任飲日本酒，包括紅酒、白酒、清酒等等，淨係清酒已經有24款可以選擇，好啱鍾意飲日本酒既人。
餐牌上面既選擇都好多，而且食物嘅性價比都幾高，今次我地就揀左以下食物share👇🏻
🦪風味焗蠔四食 $99
四食係指柚子醬、黑松露醬、明太子醬同埋蒜蓉四隻味，四隻味道都各有特色。柚子醬焗蠔有驚喜，味道酸甜開胃，裏面仲有啲沙律醬；黑松露醬焗蠔可以再濃味啲；明太子醬焗蠔味道濃郁；蒜蓉焗蠔香口惹味，四隻蠔都好新鮮肥美。
🍢串燒（燒雞軟骨$12、燒牛舌$38、燒頂級牛小排串$48、燒鰻魚$38）
燒雞軟骨夠香口；燒牛舌灑上黑椒，味道微辣惹味，而且一啲都唔韌；燒頂級牛小排串油脂豐富，肉質軟腍，牛味香濃；燒鰻魚非常厚身肥美，而且完全冇骨，特別推介牛小排同燒鰻魚👍🏻
🍶清酒煮蜆 $48
份量好多，入口超鮮甜，完全無沙。
🍄蒜蓉雜菌 $38
裏面有金針菇、雞髀菇同埋冬菇，勁香蒜蓉味。
🍆孜然蒜蓉茄子 $38
茄子好大條，上面加左好多孜然粉同蒜蓉，茄子肉夠霖，食落去多汁入味。
🍲壽喜燒野菜頂級小肥牛鍋 $78
完全估唔到哩個鍋份量咁多，面頭鋪滿肥牛，底下既料亦係相當豐富，包括金針菇、冬菇、雞髀菇、娃娃菜、豆腐同埋粉絲，粉絲爽身好食，最重要係佢既湯底唔會太甜，啱啱好，完全係抵食之選👍🏻
🍶任飲日本酒 $168/位
佢有超多款日本清酒同埋果酒可以選擇，特別推介嘉美心桃子酒同鶯宿梅梅酒，兩隻味道都甜甜地，好啱女仔飲。
整體黎講，餐廳環境好有日本居酒屋既感覺，串燒真係幾好食，而且食物性價比好高，絕對值得一試。
Post
