大灰熊廚房 (Under Renovation)

前排去咗將軍澳食晚飯，想食中式嘢，就去咗呢間——🌟大灰熊廚房🌟食咗個二人餐，幾抵食，有成四款菜式，食到好滿足🤤餐廳嘅枱都坐到唔少人，有卡位亦有大圓枱，仲有電視係牆身._.🐂｜牛肉豆腐湯羹｜🐂好夠味，結身嘅湯羹，湯有牛肉同豆腐粒，好有口感·🥗｜芥末蝦球沙律｜🥗芥未味重，酸酸地配埋沙律菜好開胃，蝦球都好多舊，大大舊，全部係蝦肉好爽口·🐟｜豆腐班腩｜🐟濃濃嘅醬汁，包裹住每舊豆腐同班腩，好香濃惹味，班腩腍身啖啖肉，餸飯一流·🐥｜柚子蜜糖雞翼｜🐥每隻雞翼都沾滿香甜嘅柚子蜜，雞翼肉質嫩滑，作為飯後小食都唔錯._.