林仔茶檔 (Closed)

無諗過茶餐廳都可以有咁出色嘅小菜今日係油麻地附近搵食，見到林仔茶檔個名幾得意睇餐牌有雞翅撈飯、仲有米芝連嘅餸！🤩室內係卡位坐得幾舒服，冷氣夠大🤓睇完餐牌最後叫咗 米芝蓮二弄大蝦球、咕嚕豬頸肉、炸子雞半隻小菜跟餐有白飯同例湯，個例湯好濃好足料！野飲叫咗紅豆冰，紅豆好甜好綿😚😚咕嚕豬頸肉每舊豬頸肉都超大舊，炸皮好脆口😜咬落去索索聲，豬頸肉好軟腍咕嚕汁酸酸甜甜好開胃😋米芝蓮二弄大蝦球分別有黃金（咸蛋黃）同千島醬兩款口味隻蝦真係好大隻，咸蛋黃口名食落有淡淡牛油香好惹味千島醬酸甜就中和返個油膩感！😆果然係名不虛傳嘅米芝蓮😍炸子雞雞肉夠嫩滑，外皮唔太厚但十分香脆係媲美酒樓嘅質素，估唔到係茶餐廳會食到！鍾意食雞嘅一定唔可以錯過🥰仲有其他野食都吸引，椒鹽鮮魷、太極鴛鴦飯、菜遠排骨米呢啲下次再嚟會想試吓～所以想食吓小菜唔一定要揀大排檔，因為見到原來呢到都有啤酒飲！夏天咁熱就岩晒啦🤣🤣