大灰熊廚房 (Under Renovation)

👫去將軍澳做嘢順便食埋晚飯。呢間餐廳喺將軍澳智能身份證換領中心樓上，但原來Google Map位置係錯㗎。搞到差啲去錯地方😂。🥢土匪雞翼 $48雞翼細細隻，香口又入味。雞翼新鮮炸起，雞皮炸到卜卜脆，孜然同蒜香味都好重。🥢椒鹽粟米 $38清甜得嚟又有鹹香蒜香。🥢黑蒜螺頭燉湯 $48加入咗螺頭、雞腳、瘦肉，整體好清甜，仲散發住黑蒜嘅獨特香氣。🥢勝瓜雲耳炒牛肉 $118牛肉份量唔少，充滿蒜頭、洋蔥嘅香味。勝瓜雲耳爽脆冇青味。食落好有鑊氣，又唔會太鹹太油膩。🥢京烤骨 $128炸過嘅排骨皮脆肉香，仲沾滿醬汁，味道酸甜開胃。📍大灰熊廚房 (將軍澳)將軍澳唐賢街23號帝景灣商場1樓34-35號舖