Video
Read full review
2021-09-16
37 views
放工約咗朋友去食飯，嚟到呢一間位於旺角嘅新南苑食火鍋套餐我哋叫咗小龍蝦麻辣套餐 ，套餐可以任飲飲品，餐廳裏面有個大雪櫃，可以自由選擇自己想飲嘅飲品。另外更設有小食區，有芋頭波波、單骨雞翼 同魚蛋鴨血等等，味道都唔錯一大鍋小龍蝦嚟到炒返熱就食得，邊炒邊聞到好大陣麻辣香味，小龍蝦本身肉唔多，不過食落都幾爽口彈牙，食小龍蝦主要係食個醬汁，醬汁惹味濃郁，麻同辣嘅比例幾平均，一開始食唔會覺得好辣，但係食到中段，麻辣味嘅後勁就開始出嚟，啱晒鍾意食辣嘅朋友。由於小龍蝦冇乜肉，所以任食可以食到好多好多隻小龍蝦，都係一個回本位。食完小龍蝦就可以轉火鍋，我哋揀咗新鮮蟹窩花甲湯底，個湯都幾鮮甜，蟹同花甲都幾新鮮。套餐係包一次性嘅波士頓龍蝦，每人半隻，同埋時令海鮮，今日嘅海鮮係海蝦。波士頓龍蝦好大隻，肉質彈牙飽滿，幾鮮甜。而海蝦啖啖肉，幾爽口。另外仲有30款以上嘅火鍋配料任食，丸類款式都幾多，有芝士丸、牛丸、貢丸、墨魚丸同沙拉包心丸等，而且質素都唔錯。肥牛同豚肉片新鮮，而且肥瘦均勻。而我哋打邊爐都必叫響鈴同埋炸魚皮，索晒湯嘅精華。最後，仲有甜品送，係奶凍，幾重奶味，而且口感軟滑，唔錯
我哋叫咗小龍蝦麻辣套餐 ，套餐可以任飲飲品，餐廳裏面有個大雪櫃，可以自由選擇自己想飲嘅飲品。
另外更設有小食區，有芋頭波波、單骨雞翼 同魚蛋鴨血等等，味道都唔錯
一大鍋小龍蝦嚟到炒返熱就食得，邊炒邊聞到好大陣麻辣香味，小龍蝦本身肉唔多，不過食落都幾爽口彈牙，食小龍蝦主要係食個醬汁，醬汁惹味濃郁，麻同辣嘅比例幾平均，一開始食唔會覺得好辣，但係食到中段，麻辣味嘅後勁就開始出嚟，啱晒鍾意食辣嘅朋友。由於小龍蝦冇乜肉，所以任食可以食到好多好多隻小龍蝦，都係一個回本位。
食完小龍蝦就可以轉火鍋，我哋揀咗新鮮蟹窩花甲湯底，個湯都幾鮮甜，蟹同花甲都幾新鮮。
套餐係包一次性嘅波士頓龍蝦，每人半隻，同埋時令海鮮，今日嘅海鮮係海蝦。波士頓龍蝦好大隻，肉質彈牙飽滿，幾鮮甜。而海蝦啖啖肉，幾爽口。
另外仲有30款以上嘅火鍋配料任食，丸類款式都幾多，有芝士丸、牛丸、貢丸、墨魚丸同沙拉包心丸等，而且質素都唔錯。
肥牛同豚肉片新鮮，而且肥瘦均勻。而我哋打邊爐都必叫響鈴同埋炸魚皮，索晒湯嘅精華。
最後，仲有甜品送，係奶凍，幾重奶味，而且口感軟滑，唔錯
Post
