珍一料理 (富榮大廈) (Closed)

今日心血來潮想食D辣野，路德圍呢間珍一料理就岩哂我了佢有好多既涼伴小菜同埋飯類供應估唔到而家仲有急凍餸包！咁我就叫左個川味小炒肉套餐，套餐 $60 仲包埋飲品同埋2 款小菜 （一肉一菜）小菜我就叫左手撕雞同埋萵筍個小炒肉好惹味，而且份量都幾多，辣度對於我黎講岩岩好萵筍好爽口，加左少少麻醬都幾好味，手撕雞就啖啖肉微微辣個調味都唔錯驚喜既係D急凍餸包味道都幾好而且價錢都唔算貴蕃茄牛腩有好濃郁既蕃茄味，牛腩炆得好腍梅菜扣肉份量都唔少，仲係我鍾意既甜梅菜而且個扣肉肥瘦岩岩好，唔會肥羔多過肉有急凍餸包真係好方便呀