Video
Read full review
2021-06-13
468 views
上星期放工同朋友行街買野之後，就去左附近嘅茶餐廳食野。我地去左「米亭」，聽人講嗰到既野大件夾抵食，我地都想去大食一餐 😆「米亭」環境寬闊，我地大約7 點去到，係食飯時間，所以入面已經有幾枱食客，大家都點左店內既招牌菜，例如花膠雞湯米線、手撕雞等等～餐牌有大量美食任君選擇，我地一時間都下唔到決定，每一樣野都想試 😍餐牌簡潔俐落，主食、湯底，涼菜、飲品等等都包括在內。不過由於係地道港式餐廳，佢地既餐牌只有中文，如果有外國遊客黎到可能會有少少唔方便～白菜黑豚肉餃子配米線 $58我就點左白菜黑豚肉餃子配米線，湯底方面就揀左特濃雞湯。湯底較清新唔太膩，白菜餃子亦都食到白菜嘅香味同黑豚肉嘅鮮味。拌菜方面就揀左涼拌青瓜絲，本來以為係辣味或者蒜茸味嘅涼拌青瓜，但原來係原味清新嘅青瓜絲，食落好健康，唔會油膩 🥒另外點左豆漿作為餐飲。都有一段時間冇飲豆漿，以前屋企人會自己磨豆漿，但出黎工作之後就好少機會再飲到自製天然豆漿。米亭嘅豆漿飲落似係自家製豆漿，而且冇乜糖份，飲完都唔怕肥～花膠雞湯米線配米亭炸豬排 $63朋友點左呢到嘅招牌湯底—花膠雞湯，最估唔到係見到有雞腳同花膠喺入面。呢種花膠唔係食開黏黏地滑溜嘅
「米亭」環境寬闊，我地大約7 點去到，係食飯時間，所以入面已經有幾枱食客，大家都點左店內既招牌菜，例如花膠雞湯米線、手撕雞等等～餐牌有大量美食任君選擇，我地一時間都下唔到決定，每一樣野都想試 😍
餐牌簡潔俐落，主食、湯底，涼菜、飲品等等都包括在內。不過由於係地道港式餐廳，佢地既餐牌只有中文，如果有外國遊客黎到可能會有少少唔方便～
白菜黑豚肉餃子配米線 $58
我就點左白菜黑豚肉餃子配米線，湯底方面就揀左特濃雞湯。湯底較清新唔太膩，白菜餃子亦都食到白菜嘅香味同黑豚肉嘅鮮味。
拌菜方面就揀左涼拌青瓜絲，本來以為係辣味或者蒜茸味嘅涼拌青瓜，但原來係原味清新嘅青瓜絲，食落好健康，唔會油膩 🥒
另外點左豆漿作為餐飲。都有一段時間冇飲豆漿，以前屋企人會自己磨豆漿，但出黎工作之後就好少機會再飲到自製天然豆漿。米亭嘅豆漿飲落似係自家製豆漿，而且冇乜糖份，飲完都唔怕肥～
花膠雞湯米線配米亭炸豬排 $63
朋友點左呢到嘅招牌湯底—花膠雞湯，最估唔到係見到有雞腳同花膠喺入面。呢種花膠唔係食開黏黏地滑溜嘅質感，反而係比較彈牙，可能係品種唔一樣。
呢個米亭豬扒有驚喜，外面炸到金黃色香噴噴，一上枱就香氣撲鼻。豬扒外脆內軟，咬開仲幾juicy添，個人認為豬排係值得一試。
米亭仲有自家製醬菜，有辣有唔辣，可以為米線湯底增加不一樣嘅口味。
麻辣手撕雞 $24我地除左點左套餐外，仲追加左一道好想食嘅麻辣手撕雞。嫩滑嘅手撕雞辣辣地好過癮，再配埋清香嘅青瓜絲同蓮藕片，無論味道同口感都好唔錯。
我地食左咁多野都係$150 搞掂，真係幾抵食。店員嘅服務態度都好好，係一餐舒適嘅晚餐。
Post
