暢和號 (翠怡花園) (Closed)

呢間餐廳係大中有外賣分店，平時都見好多人排隊外賣～宜家係太和有門店啦😚首先當然要試招牌暢和去骨海南雞😼最鍾意去骨系列😂啖啖肉，雞肉非常之嫩，個份量都唔錯！配三款醬汁有唔同既風味～另外海南雞配油飯係基本😋生炸巨型香茅豬扒配喇沙麵🍜我覺得呢個係必食～超級大份🤣首先香茅豬扒新鮮炸出十分香口，麵揀佐滲滲係油麵加米粉，加埋芽菜口感更豐富👍湯底香滑又濃，忍唔住飲多幾啖😂入面仲有d魚片增加成碗麵既鮮味～小食揀佐泰式鹵水拼盤～有豬耳、牛肚、豬腸等😼滷得好入味唔會死鹹，入面有一款滷味一定有你中意😚涼拌沙薑豬手粒諗住豬手粒啦，可能細細塊咁😂點知唔係😛沙薑雞翼食得多，估唔到搭豬手都幾襯👍🏻豬手爽脆香口，相當滿足！最後都幾推薦呢間餐廳～價格都相對親民，夜晚黎餐廳坐滿嗮都幾受歡迎，仲有好多街坊外賣😼推薦！