Lost in Thai (Closed)

之前去太子經過呢間cafe見到門口幾靚，藍綠色既門外仲有打卡位，原來係泰國菜cafe，前幾日放工就同阿哥去左呢度食晚飯! 我地點左:.🍲蝦醬雜菜蝦球湯份量好大，以為有蝦醬會好濃味，但飲落去，湯頭好清甜! 見到裡面除左幾件大蝦球外仲有雜菜同菇，飲飲下仲覺得係有少許辛辣既味道，好開胃!.🥙泰式生菜包生菜同肉碎分開上，裝肉碎果碟裡面加左香葉同洋蔥一齊炒香，生菜好爽脆同新鮮，包住香葉肉碎食好滋味!.🍆椒鹽茄子釀蝦膠一碟有四大件，每件茄子中間都開左口釀左蝦膠! 不同於煎釀三寶既茄子咁油膩，呢道茄子好乾爽，加左蝦膠，口感好豐富! .🥘 Lost in Thai 特式咖哩 - 海鮮呢度咖哩可以揀配唔同既主食，我地就揀配海鮮，乜都有👍🏻 咖哩好大盤，配白飯或薄餅就啱哂! 咖哩好香，加左椰汁所以帶點甜味，裡面有魷魚、大蝦、八爪魚、青口、薯仔同彩椒，好豐富! .🧋熊啤啤奶茶賣相好得意，一大碗奶茶加左一件啡色既熊啤啤冰，飲到係泰式奶茶，好香濃，熊啤啤冰係茶底所以啡色，好有誠意! .🍹 菠蘿蝶豆花梳打蝶豆花梳打可以揀配青檸、菠蘿或柚子蜜，我地揀左菠蘿🍍菠蘿既金黃色同蝶豆花既藍色互相融和，色彩繽紛，梳打好解渴!