川味雞烤魚大王 (隆亨商場) (Closed)

川式嘅烤魚真係會食上癮。時不時都會想試吓唔同口味嘅烤魚。新年假去沙田大圍同朋友拜年，逛着逛着去到新翠邨、隆亨邨嗰邊搵食。朋友提議到位於隆亨邨這間街坊小店「川味雞烤魚大王」食烤魚♨️原條烤魚套餐午市都有供應😍今次揀咗海鱸魚配泡椒口味，$328 仲包括三款配料～泡椒口味唔敢試太辣，只係叫咗小辣，其後發覺越食越辣啱啱好。鱸魚先炸過，外皮香脆，肉質亦唔容易散開。鱸魚大大條，肉很多，肉質好嫩滑，有魚味，用咗孜然粉表面調味，所以食落好夠味，胡椒和香料味道令魚肉更鮮。至於湯底，味道亦很鮮甜，泡椒嘅川辣與別不同，酸辣度剛好，再配上酸菜，味道複雜超香超醒胃！蜂巢冰豆腐果然係從冰箱出來～冰磚豆腐滾完之後吸滿湯汁👍🏻👍🏻蔬菜籃蔬菜洗得乾淨，新鮮嫩綠。黑豚豬腩片肥瘦相間仲有薄薄的豬皮連着帶點煙靭很好吃😋雙拼口水撈撈米線非常好吃，米線本身夠粗，煙靭有彈性，撈米線嘅醬汁好惹味，配料有花生鹹酸菜。牛丸超爆汁好有牛味。凍檸茶茶味又唔錯👍🏻烤魚美味又抵吃，冬日有keep 住熱辣辣的烤魚鍋食特別滋味😋👍🏻