黃記煌三汁燜鍋 (Closed)

早前聽朋友食過一間少有既炆汁邊爐，評價不錯，重要有埋許留山既甜品，今日有機會同屋企人試下！地點好方便，就係金馬倫道中間，佔地全層，坐位闊落！點左個牛氣沖天燜鍋$268份量好多，店員係你面前逐層將牛肚，牛柏葉，牛脷，牛肉等食材擺好，之後加特制醬汁再燜煮，叫咗小辣，辣到變👄，辣得好過癮，食唔到咁辣可以點香辣！香辣豬三煌$48材料有豬耳，豬肚，豬大腸，北方店做涼菜一向有一定水準，這裡亦不例外，少少辣，好香麻油味，豬耳豬肚亦爽口海鮮拼盤$208呢個價係超值，平時只係叫蠔同珊瑚蚌都唔只呢個價，仲在埋大大隻墨魚同海蝦，性價比極高！重點許留山甜品最愛係芒椰奶西，以前拍拖成日食，估唔到嚟食晚飯嘅地方都有正宗嘅許留山甜品，味道一樣，不會交行貨！人均消費$200唔使可以食埋許留山甜品同埋打埋邊爐，喺尖沙咀應該搵唔到第二度！