回到味來 (Closed)

上網見到好多介紹推介呢一間惡魔雞煲，所以我都專程嚟試吓。呢度嘅模式都係用半任食嘅模式，我哋可以選擇自己喜歡嘅雞煲，食完之後可以refill,不過refill就需要等一等，因為雞煲係廚師即叫即煮嘅。食完雞煲之後，我哋就可以選擇自己鍾意嘅湯底打邊爐，除咗一般嘅火鍋配料之外，每檯仲會有一份海鮮拼盤同埋一份本地手切牛頸脊。牛頸脊嘅質素都非常之好，牛肉有肉味之餘口感亦都夠林。如果想再加點，就要再加錢。整體來講呢度佢都幾抵食，食物質素都算唔錯，而且雞煲可以任食都係一個賣點，值得再嚟。