十三少 (Closed)

呢排已經迷上食酸菜魚，上網搵邊度有酸菜魚食，見到呢間幾多人推薦而亦都有幾間分店，今次揀咗樂富分店，等鯊仔同大家試吓到底味道如何~🐟 十三少酸菜魚酸菜魚嘅份量真係大到嚇親，份量的確比一般出面嘅大份，魚肉偏爽口彈牙，魚湯唔算好濃，酸菜亦都唔算好重，湯底唔會油膩，都幾好送飯。🐔 川式口水雞 口水雞好惹味，辣辣地幾好味，雖然雞肉略嫌多咗少少骨，但勝在雞皮鮮嫩可口，而且肉質都唔錯幾厚實，加左芝麻碎令口感更加豐富。😋 紅糖糍粑 糍粑炸得外脆內軟，夠煙韌軟熟，而且熱辣辣，配上香濃嘅紅糖漿，食落飽滿可口。