椒點

Open Now

Now Closed

晏晝出開大埔，搵下有冇酸菜魚食先。在open rice搜到了呢間椒點，一於走去試下。我同朋友仔分別點左個酸菜魚薯粉同五花生干鍋。先講下酸菜魚，我地係叫左個生魚片版本的。魚片嫩滑爽口，湯汁亦帶點酸辣，不算太濃郁，對於飲食清淡的朋友黎講都算可以。我們點了小辣版，辣度都有番咁上下。湯碗大大碗，魚片數量略嫌少了一些。但對於係酸菜魚控的我來講，呢個都算係一個合格的酸菜魚，畢竟大埔有得食酸菜魚的地方相對唔多。呢間店的特色就係粉同湯分開上，此舉可保持酸菜魚應有的鮮味。薯粉配酸菜魚味道差點點。，還是感覺米線會夾一啲。白雲無骨鳳爪，腍爽咬口正，吃過不停。麻辣蓮藕，薄薄切片，惹味醒胃，辣度適中，愈食愈過癮。五花肉干銅略有驚喜，五花肉夠鑊氣，肥而不膩，洋蔥、青瓜、蓮藕等配菜材料豐富。也是一樣，惟一美中不足之處就係又係點了薯粉，如果配白飯，效果更好。整體質素都唔錯，響大埔食到平靚正的酸菜魚，酸菜魚控朋友們可以一試呀。