Video
Read full review
2016-04-22
499 views
今日得一堂九點堂，落咗堂就順便搵下男朋友仔，嘻！一齊去個晏仔丫麻！譚仔又食得太多，有啲悶。聽講附近都有間食米線嘅，就嚟咗阿桂老友粉！個名好特別，咩叫老友粉呢？原來阿桂老友粉做嘅係特色廣西南寧粉麵，佢地嘅粉主打湯料濃郁，口味鮮辣同開胃驅寒。湯底更以集酸、辣、鹹、於一身為名。我地好鬼肚餓，叫咗兩碗粉同一個小食。嚟到老友粉，又點可以唔食老友粉呢！我就叫咗一個招牌南寧老友粉（小辣）加魚皮餃。老友粉湯底用咗好多材料，有爆香左嘅酸菜、蒜頭、豆豉、蕃茄、肉片同埋時菜。材料非常之豐富，加上用咗精制嘅米粉，誠意十足。湯底望落去好似蕃茄湯，但飲落就有一種麻加酸嘅融合，非常香濃！米粉有啲似窄身嘅河粉，吸收咗湯嘅味道，好入味，唔會過淋。而且粉量十足，兩個女仔share都夠食呢～另加嘅魚皮餃好有口感，皮身彈牙，內裹魚肉同豬肉比例平均，帶小許油香，幾唔錯。男朋友叫嘅係麻辣豬排米線（中辣）豬排份量都幾多，店家幾細心將豬扒切成件方便夾嚟食。湯底睇落比老友粉辣好多，顏色好紅，面有大量嘅辣油咁。男朋友就話岩岩好，又麻又辣好惹味！佢食得辣我好多xd米線我試咗小小，都幾彈牙唔會淋或者太硬。佢仲加咗個蟹子包心丸，有兩粒，係平時
嘻！一齊去個晏仔丫麻！譚仔又食得太多，有啲悶。
聽講附近都有間食米線嘅，就嚟咗阿桂老友粉！
個名好特別，咩叫老友粉呢？原來阿桂老友粉做嘅係特色廣西南寧粉麵，佢地嘅粉主打湯料濃郁，口味鮮辣同開胃驅寒。
湯底更以集酸、辣、鹹、於一身為名。
我地好鬼肚餓，叫咗兩碗粉同一個小食。嚟到老友粉，又點可以唔食老友粉呢！
我就叫咗一個招牌南寧老友粉（小辣）加魚皮餃。
老友粉湯底用咗好多材料，有爆香左嘅酸菜、蒜頭、豆豉、蕃茄、肉片同埋時菜。材料非常之豐富，加上用咗精制嘅米粉，誠意十足。
湯底望落去好似蕃茄湯，但飲落就有一種麻加酸嘅融合，非常香濃！
米粉有啲似窄身嘅河粉，吸收咗湯嘅味道，好入味，唔會過淋。而且粉量十足，兩個女仔share都夠食呢～
另加嘅魚皮餃好有口感，皮身彈牙，內裹魚肉同豬肉比例平均，帶小許油香，幾唔錯。男朋友叫嘅係麻辣豬排米線（中辣）
豬排份量都幾多，店家幾細心將豬扒切成件方便夾嚟食。
湯底睇落比老友粉辣好多，顏色好紅，面有大量嘅辣油咁。男朋友就話岩岩好，又麻又辣好惹味！
佢食得辣我好多xd米線我試咗小小，都幾彈牙唔會淋或者太硬。
佢仲加咗個蟹子包心丸，有兩粒，係平時打邊爐食到個一種。小食我地要咗口水雞
口水雞係用砵仔裝住，份量夠哂兩至四人分享。
雞肉肥瘦適中，肉質幾嫩滑。
吸收咗醬汁嘅香同辣，好野味！醬汁唔會太辣，加入咗花生同芝麻等鋪面，令到口感更豐富同有層次！
最後一人要咗一支山楂蘋果茶。
蘋果茶以支裝形式盛裝。茶五會太甜，山楂酸酸地嘅味道正好可以解辣，蘋果味亦都好天然，唔會死甜。食辣米線食到熱哂，飲番啖就岩哂喇！
小妹見到鋪頭仲有幾抵食嘅學生餐，有好多學生幫襯咖都！食譚仔食得悶，不如試下其他有特色嘅米線，認真唔錯呢！
Post
