一品活蝦 (Closed)

經過尖沙咀新開餐廳有現金卷即拎即用見幾吸引，原來之前在炮台山開過台，感覺比舊鋪更大更闊落。黑紅為店鋪顏色，顏色分明有對比，感覺時尚。呢個胡椒蝦，蝦頭煎炸到香脆，一口咬落去，蝦頭滋滋脆脆嘅，入口香濃又多膏多汁，蝦肉鮮嫩彈牙，而且夠鮮味。加咗啲胡椒，味道香辣開胃，真係一啖接一啖都停唔住。呢個粉絲蒸鮑魚，粉絲煮得剛剛好，Q彈有口感，鮑魚蒸得鮮嫩非常彈牙，而汁水都滲進咗粉絲裡面，令粉絲更加入味。炸曼頭炸到金黃酥脆，內裡嘅餡料亦鬆軟，加咗啲 煉奶更加增添味道。呢碗麻油麵，麵條煮得有彈性，夠Q彈，入口滑溜。麻油香氣濃郁，帶出一種濃厚嘅芝麻香味，更加豐富咗味道。