麥當勞

Open Now

Now Closed

近日見到麥當勞推出脆辣雞腿包系列，簡直叫人興奮莫明，皆因對於一個底薪族而言，食麥當奴係一個唔錯既選擇 ( 雖然包的體積有明顯年年縮水的趨勢 ) ,不過平日食來食去都係得幾款，又會好悶，今日有新產品上場，當然係第一時間去試。脆辣雞腿包系列有三款，不過我只屬意菠蘿脆辣雞腿包，因為入面有一大片菠蘿，酸酸甜甜令人非常開胃，配合炸得香脆的辣雞腿肉、新鮮生菜絲，再加上鬆軟的麵包夾著一齊吃，簡直惹味十足。而為了減低罪惡感，我將跟餐的薯條改為粟米杯，並選了健怡汽水。其實麥記的粟米幾好食，又清甜又多汁，我每次一定先吃粟米杯後吃包，因為可增加飽肚感之餘，亦可令其後所食的肥膩東西吸收得慢一些。其實除了菠蘿脆辣雞腿包 ，全新「巴東辣雞翼」都係我心水之選，不過眼闊肚窄，雞翼還是留待下次吧。