鼎家喜筷 (Closed)

依晚去咗荃灣西站海之戀入面嘅「鼎家喜筷」，天氣涼涼地，我地決定食暖笠笠嘅雞煲～飽肚暖身又滋味，食完仲可以打埋邊爐。🔶 幸福雞煲 $168/每位限時90分鐘～而雞件仲可以無限添加，仲配送新鮮蔬菜1份，都好抵食喎，點菜嗰時可以揀埋辣度，最小可以揀BB辣，我地唔想太刺激所以點咗BB辣。一嚟到香噴噴呀！滾返兩三分鐘就食得，秘製雞件好滑好惹味，BB辣得有層次，辣度剛剛好～第1轉雞件都好多， 我哋差唔多食晒之後都已經好飽好滿足了～🔶火鍋配料嘆完雞煲仲可免費加湯底打邊爐 。配送嘅新鮮蔬菜當日有唐生菜丶粟米丶冬菇丶金菇，我地再點咗啲配料～包括珊瑚蚌 $68丶烏冬 $28丶炸魚皮 $48。烏冬一碟居然有2個，抵食呀！ 炸魚皮浸少少湯，入口又脆口又惹味。🔶任飲花茶 $28/每位點雞煲可以加少少錢任飲凍花茶，有2款揀：菊花薏米、檸檬洛神。點左清熱嘅菊花薏米～打邊爐啱晒。估唔到原來1大壺上嚟㗎！估計每人都飲咗3-4杯。