再來一煲 (好發大廈)

Open Now

Now Closed

「再來一煲」之前係元朗已經食過，食物質素都唔錯，今日同朋友去左屯門分店食雞煲，8:00已經全場滿座，最好一早book 定位。餐廳除了有雞煲之外，亦有刺身和小食，另外如果帶小朋友來食，小朋友都唔驚唔岩食，以到有開心樂園餐，都適合小朋友食。招牌魔鬼雞煲有半隻和一隻選擇，我地選了一隻，4個人份量剛剛好，雞煲有6款辣度可以選擇，我地點了唔辣，以到既招牌雞煲好出名，除左雞件，入面仲有洋蔥、蒜頭、芫茜等等材料，香氣撲鼻，雖然我地叫左唔辣，但一樣非常惹味，雞件斬得好好，沒有碎骨，而且非常嫩滑入味。食完雞煲就可以加湯打邊爐安格斯牛小排（大份）安格斯牛小排油花平均，油脂豐富，肉味濃郁，烚一烚就食得，口感軟腍，質素相當高。另外惠顧滿$1200，餐廳會送一份安格斯封門柳，份量都大份，牛味係最濃郁，而且肉質軟腍，雖然係送，但都好有誠意。除了必叫肉類打邊爐之外，我地都點了不少火鍋配料打邊爐，有炸魚皮、鵪鶉蛋、即叫即炸響鈴、烏卒卒粒粒墨魚滑、魚皮餃、精選雜丸拼盤、牛柏葉、鮮雞雜。其中烏卒卒粒粒墨魚滑好大份，墨魚味相當濃郁，好彈牙，我食過最好味的墨魚滑，牛柏葉大大舊，烚耐左都唔會變韌。