尚上下夏 - 養生雞煲火鍋 (Closed)

朋友心血來潮話想食邊爐，就search左呢間評價都唔錯嘅尚上下夏雞煲火鍋試下。餐廳環境比我想像中細同舊，感覺似傳統嘅港式火鍋店，冷氣方面我自己覺得唔夠涼，係炎炎夏日之下呢點有待改善。✨半隻雞煲（$168）佢地嘅雞煲味道真係唔錯！非常濃味，岩曬重口味之人。雞肉都幾嫩滑新鮮，算係我食過比較好味嘅雞煲。✨龍蝦湯（$48）食完雞煲後就可以揀湯底打邊爐，餐廳有幾款唔同嘅湯底選擇，我就揀左比較少見嘅龍蝦湯。湯底味道都相對較濃，蝦味突出，味道都唔錯。✨手切安格斯牛（$175）我自己就覺得佢地嘅火鍋材料都偏貴，不過勝在夠新鮮，呢碟安格斯牛就係好好嘅例子。牛肉食落肉質鮮嫩，牛味香濃。✨珊瑚拼貴花蚌（$133）兩款蚌類都非常新鮮，口感爽脆。整體黎講味道都唔錯，但價錢略貴；服務方麵店員都幾nice, 間中會過黎幫手碌下野。