過橋麵檔

Open Now

Now Closed

每次黎到都覺得好多野都幾好食咁樣，但實在引唔到手唔叫霸王雞，結果今次都係一樣！霸王雞份量超大，上面有蔥有炸蒜，仲有少少辣椒，底就有芽菜。叫得霸王雞，味道都幾霸道，蔥蒜辣椒無一不香，淋過豉油，底蘊既味道都抽晒出黎。小弟唔食辣，撥開辣椒食都ok，微辣更開胃。雞件入味，有肉有骨，加埋蔥絲炸蒜風味更佳。底層芽菜吸收所有精華，點一點醬汁撈飯食更是美味。菜飯真係菜飯，唔似出面有d撈幾條菜當係，不過我覺得味道唔夠，唔知係咪特地配合濃味既雞而作出調整。