隆姐泰國美食館

Open Now

Now Closed

經朋友介紹，係雲集泰國餐廳既九龍城就去左呢間食晚餐。呢度無咩裝修，枱與枱之間都放得好密。奇怪朋友點解會介紹。原來係d野食好味兼抵食既關係。青木瓜沙律個沙律有好多花生同蝦仔係入面，超惹味。我之前本身都麻麻地青木瓜，因為好似無咩味咁。但呢度個醬調得酸辣度岩岩好，青木瓜吸曬d味，好正。燒豬頸肉又係燒得好靚，最怕燒到好似無燒又白雪雪既豬頸肉。 呢度燒到有d燶邊，肉質又唔乾身，會一塊一塊接住食。咸魚炒椰菜苗呢個相對遜色，因為菜苗稍老。冬蔭公河粉個湯又係好足料，好多香茅，辣椒仲有蝦，河粉一塊塊好似棵條，幾有特色。