十二味熱辣火鍋莊

Open Now

Now Closed

以前都有食過十二味系列嘅餐廳，覺得味道正宗，可以推介比鍾意食嘅朋友。今次就係因為疫情嘅關係，都有好一段時間無食過川菜，有啲懷念，相約朋友食飯便提議黎呢度試下。入到餐廳，都聽到幾多普通話口音，相信真係味道正宗先會吸引到佢地。我同朋友就點左一個經典香辣鍋，係四川其中一種火鍋嘅方式，選幾種配菜乾鍋上。選擇左三葷三表素，分別係田雞、牛栢葉、五花腩、萵荀、年糕、四季豆，再配白飯夠哂惹味開胃。可能就返香港人口味，配料上同辣度都有得選擇。全部材料走過油先落鍋底炒， 最讚嘅係年糕，真係好少地方會將年糕走油，面脆心軟，配鍋底味道剛剛好。牛栢葉灼過再炒，相對夠淋。萵荀，四季豆面鍋底夠入味但唔會太辣太嗆喉。但就對田雞同五花腩有啲失望，因為$48/份，得大約一隻田雞份量，同幾片五花腩😥，香港物價太貴喇😂。最後叫左個冰粉試下，因為度度都有自己嘅冰粉配方，當然要一探究竟，呢度嘅冰粉清清地幾岩我，只有提子乾同桂花相伴，冰粉好煙韌有彈性，但幾大舊，細舊啲易入口更好。