原味館 (Closed)

今晚食自己，正當煩惱晚餐食乜好的時候，忽然瞄到新假期介紹的這間麵店，在荃灣重開，見地點就腳，本人又喜歡食海鮮，於是就決定去試下。一落車，行幾步就見到了，不算難搵，其實就係鱟地坊附近，因為早去，所以未有好多人。坐低後，睇一睇餐牌，都有好幾款粉麵揀，由於我去的時候仍是下午茶時間，所以仲有免費餐飲送，汽水咖啡茶，熱飲凍飲都有! 既然係慕名而來，見到招牌係三鮮麵，於是一坐低就嗌咗碗三鮮麵。聽講呢間d麵係福建麵，問咗老闆有咩唔同，佢話福建麵比較粗身d，接近拉麵（但我覺得冇拉麵咁粗），我就揀咗麵! 三鮮麵係即叫即煮，我坐的位置係對住廚房，見到師傅煮，等咗五六分鐘，終於來喇，去圖！總的而言，這碗三鮮麵真係幾好味，湯底鮮甜，有小小胡椒粉吊味，而且好足料，我特登數一數，一碗麵裏有八隻花甲，八隻聖旨，仲有好多蠔仔，配料有燜金菇，芫荽，菜等等。個麵都好好食，我覺得似潮州的手打麵，值得一試。最後食完仲送埋凍可樂tim!食完埋單，盛惠$58，不用加一，收現金。後記：當我食完準備離開時，已是晚市，都見到陸續有d人開始來緊，望著大家的眼神，相信都係呢兩日睇到介紹慕名而來的，惟店面空間略顯不足，老闆未開晒檯，就算用餐