長來食坊 (Closed)

朋友話呢度嘅雞煲好味, 所以抵著9度低溫坐街邊品嚐呢個惹味雞煲.涼伴豬耳 - 用蒜茸, 青瓜, 芫茜加上麻油, 辣油...等等, 豬耳爽脆, 佐酒一流.涼伴雞腎 - 同涼伴豬耳做法一樣, 都係咁好味! 朋友已經飲咗幾杯酒lu.雞煲(半隻) - 半隻雞都唔細鍋喎! 個雞煲落咗芫茜, 洋蔥, 乾蔥, 薑片, 八角....等等, 好惹味呀! 又有冬菇添, 雞件又滑! 正!另加嘅配料中肥牛真係犀利, 比手掌重要大, 肥瘦平均, 牛味夠又爽口!其他嘅配料好似薯粉咁, 又係一流, 爽滑, 放入個鍋度吸收晒雞煲嘅味! yummy ! 後記: 呢度真係食過番尋味, 下次一定要叫多d 朋友o黎食!