長來食坊 (Closed)

煲裡面啲肉除左雪方面有問題之外，大致上無問題。實不相瞞，我之前是當中員工，所以日日都會食。我覺得雞煲係最好食，但要不斷加水，因為五加水會好鹹，加湯就仲鹹。以我個人喜好，我就中意薯仔片，薯仔，雞件做配料，涼拌都好好食，我見過廚房整，真係好花功夫。168元一隻雞，本來就不是貴。但現今以套餐推出，我都五知係平左定貴左lu，我覺得如果飲多幾罐汽水既，計人頭98元係平左既

記得第一次食係兩年前, 去完南生圍踩單車~之後黎依到食晚飯..點知一試難忘, 當中..試過銅鑼灣既...或者快餐店既..點都不及依到既雞煲!!$128 半隻雞 $168 一隻雞有時兩個人食半隻, 加薯粉都已經好夠啦~~~因為本身鍾意食SPICY 野, 所以叫左中辣~~男朋友都係嫌唔夠辣另外再叫佢加辣~~~平時叫半隻雞, 今次叫全隻,好足料!!不過伴菜略微少左D ~~平時半隻又係咁多伴菜, 到叫全隻, 伴菜一樣只係雞多左=  =不過都真係好夠味!! 薯粉都係推介菜~~夠彈牙~~~最近幾次去, 都有得送生菜~其實分量唔少, 只係食左一少部份先記得影相XDDD 菜好新鮮好甜~雖然係送但都唔會俾爛菜你食~~總結: 試過咁多間都係最好依間, 每次特登坐車入黎食~~唔洗等位~ 雞分量夠多, 價錢抵食!! 服務OK! 食物夠新鮮!! 湯同雞肉都夠入味!! 唔會被辣味或其他伴菜遮蓋!!

此店以雞煲馳名，當天甫坐下，忽然想吃羊腩煲，結果就出事了。點了一份羊腩煲，198元，小貴了點。很快就端來了羊腩煲，鋪上了香菜，內容物是大量的薑、蔥、芹菜、冬姑等。湯汁有很濃重的香料味，加上大量伴菜，又甜又香。再蓋上份量不少的炸枝竹......可是，問題出在羊肉方面，店方應用了急凍羊肉，而質素也很一般，肉的羶味加上肉的質感，令它失分不少。下次再試，還是吃雞煲好了。後來有次，朋友的飯局中，我最後才來到。嘗了一口雞煲，果然是肉的問題，雞肉即使雪藏，只要湯底好就可彌補一點，羊肉就......

當日係星期日晚，大約6點半左右到，舖外兩旁的位置已滿，我們被安排於小巷坐。還好早一步，因為那已是最後一張枱。我們先點了個鴛鴦雞煲，另加了碟菜和餃子，後來追加了炸腐竹。等了一會兒就上菜，雞煲都算大煲，雞也很入味，辣度也ok。餃子也意外地似自已包，不錯。只是嫌加單比較麻煩。下次會多D人嚟叫多D料。

呢晚一行 4 人, 打算去長來試下~去到見到都有 6 成滿, 唔使等就有位!因為好肚餓既關係, 一坐底就啦啦聲落單...落完單, 野食未到就唯有傾下計先!等左大約 20 分鐘, 上枱.............2 支啤酒 + 2 罐王老吉 only!!唯有飲住啤酒繼續傾下計睇下電視~再等左大約 20 分鐘.....仲係一樣野都未有.....連個煲都都未見影!!! (因為客唔多, 無理由唔使煮既連冷盤小食都無)心知不妙, 捉左個伙計叫佢幫手追一追睇下係咪溜左單....伙計完全無回音, 然後又再等左大約 20 分鐘...斜對面台果枱比我地遲黎大約 4-5 個字, 但係佢地 order 完之後....個男人出左去一陣 (唔知係咪去話老細上野慢), 跟手就自己拎住個煲(湯底)入黎.....然後火鍋料亦相計上枱....人地開餐了!!!!!!呢一刻真係燥燥地!!! 有無攪錯!!!!由少少餓, 變成好肚餓, 再由好肚餓, 變成餓完.....前前後後追左成 3-4 次, 次次追完都無下文.....人地遲黎過我地, 但係已經食緊, 我地就響度餓緊!!!!最後, 我地決定比低飲品錢就走人!!!叫左個老闆娘

早在之前已知來來香辣雞煲很出名一直都想來但找不著機會, 今天終於來了. 人家連店名都已經改為長來, 原因何解呢??是因為坊間太多冒牌的來來雞煲了, 以我所知尖沙咀, 銅鑼灣等地方都有來來雞煲出現, 但他們的分店只限元朗區, 還沒有發展到其他地區啊, 因此他們改名為長來~大約六時四十五分到達, 門外已有很多枱, 由於冷風迫近所以今晚必定爆滿, 室內有六張枱還有電視, 我們選擇了坐室內, 只有三枱客人了.其實不多需要看餐牌, 因一定是香辣雞煲, 只需看看配料, 但配料加了不少價錢, 看回以往的食評真是加價了很多啊~但都要一試!!!好大煲呢~~~~~~~~~~~像有一隻雞似的, 還有很多配料, 有冬菇、芹菜、蒜頭、芫茜等等. 小辣初初吃起來真是不太辣, 我們還想加辣, 但我發覺是越來越辣的, 辣味會越煮越出~~雞肉雞味不足但算頗嫩滑, 加上又香又辣的醬汁真是一流, 醬汁真是吃得出香味和辣味, 汁比較"傑身"不會太稀. 給人感覺真是很重料啊~菜類選擇不多我們選了娃娃菜.本身自己都愛吃薯粉加上有那麼濃烈的香辣汁怎能叫我不點紅薯粉呢????謹記不需要煮太久, 變得軟腍就不太好吃了, 看見薯粉上了色

N世紀前都聽過D人成日講, 入元朗食雞煲, 但一直以黎我都未試過, 好在有人肯帶我去, 先知係邊度, 我地座底就睇下叫乜好, 配料選擇不太多, 我地兩個點了( 香辣雞煲(中辣) 半隻雞), 唐生菜 , 肥牛, 豬皮, 牛柏葉, 紅薯粉, 煲野黎到個陣, 好香呀, 攪下睇下煲內有乜先, 原來有洋蔥, 蒜頭, 芫茜, 細件滑雞, 仲有其它香料, 一路滾一路嘆番支啤酒, 何其寫意, 重點:烚到冇水叫亞姐加既, 唔係水, 佢係加湯, 飲啤酒佢他唔係比玻璃杯, 係比隻雪到好冰凍既鐵杯比你, 呢兩點服務都幾貼心, 仲有店內飲品選擇不多, 建議係附近買

2個月前同男友方先生第一次去,從此男友對此店的"香辣雞煲"非常著迷,成日都想再去食過,可惜第2次去,佢地唔知點解唔擺檯出街,結果因為太多人排隊而放棄今次去係坐入店內的,兩口子又是點左一個"香辣雞煲"小辣加一個薯粉再各自叫左飲品,方生叫左支啤酒,佢地會連住一隻雪凍左ge不銹鋼杯一齊上檯,感覺好細心雞煲的肉雖知絕對唔會係新鮮雞,但吸引在每一舊都入味非常,香得黎帶辣;鍋內除左有唔同ge香料外,鍋面仲有大量蔥同芫茜;芫茜最好一開始就食啦,煮過架話反而冇咁好食啦~~而且濃杰ge湯汁加入薯粉,薯粉會極速吸收,令其煙韌又香辣;所以小妹總係覺得冇其他野比薯粉更加適合配搭香辣雞煲架啦~~~~方生話此雞煲餸飯的話會更加好味!!食到中途有人打電話黎叫雞煲外賣,店員同對方講要自己拎個煲黎裝。嗯... ...搵次我都要外賣好了^^

個日媽媽生日, 同佢去食雞煲, 見到呢間幾多人, 諗住去食下呢間點知太多人, 個事頭婆指我過幾條街度坐, 跟住個邊冇位 又叫反我反呢, 煩到死最尾都係坐反街邊好啦! 講下D野食啦!我地要左一個雞煲, ONLY食到辣味, 係好多好多o既辣椒加埋o既辣味 呢味"香辣雞煲" 改名做 "辣椒雞煲"就差唔多 完全冇其他o既香料D 雞先得意呀!!! 雖然人人都知係冰鮮雞, 但係都唔使舊雞斬完都仲有舊冰STICK ON舊雞呀 ?! D雞煮左之後食落好HAI, KFC的肉質都比佢好呢間野係第一間我連氣水都想講, 叫兩罐可樂, 成三個字先到, 呢到仲要唔涷o既, 都唔知係唔係路講下環境啦!OK涼爽, 成程一滴汗都冇食食下冇端端落雨, 雖然有帳篷, 但係坐邊邊都DUB到, 同個伙計講, 佢竟然話冇所謂... 咩服務食到最尾 係隔離叫左個鹵水什同支野飲先溝淡反D辣椒

是日下午好友【肥豪】早收工 , 四點零鐘搵我飲下午茶 , 會合後我坐佢車到屯門置樂 , 搵埋佢開工拍檔【May】, 到附近茶餐廳飲下午茶 , 坐到六點左右一齊到元朗搵地方晚飯。到元朗七點因【May】要去天水圍 , 我就先落車去探父親大人 , 八點前佢地返元朗再會合我 , 到水邊圍邨對面福樂徑【來來】幫襯。外面坐低【May】因多次幫襯非常熟悉菜式 , 佢先柯打左一個小辣【麻辣雞煲】。等左約十分鐘雞煲到 , 原來係先在廚房內用秘製香料炒香炒熟 , 再倒先前少少煲滾既上湯入面撈勻。之後我地再柯打『魚皮餃、生菜 / 油麥菜』及小食『蒜茸皮蛋】等等! 『麻辣雞煲』, 小辣我已經唔係咁頂得順 , 我不停飲蒸餾水解辣先食得落 , 雞件好有肉唔肥幾有口感 , 雖然係冰鮮雞但唔錯。雞件啖啖有肉值得讚 , 我相信都有大半隻雞份量 , 如果話有一隻雞應該就冇啦! 麻辣湯底真係好香好開胃 , 不過最弊我食唔慣辣 , 食得較為辛苦夾硬黎咁 ... 嘻嘻! 不過有樣大家要留意 , 添加湯水時要指定加清水 , 如果唔係佢會加味精骨粉水俾你 , 個麻辣湯底越煲會越濃 , 而且會好稠好鹹添! 所以每次指定加清水就可以

星期三晚，上完韓文堂約左豐哥哥及表哥食飯~選擇試下呢間來來食坊o既雞煲~一o黎係因為之前已聽過人recommend佢，話個辣窩好正~加上兩位男士想食完飯快快回家打機，於是就揀o左呢間只係同屋企一條馬路之隔o既"來來"!由於係平日，我o地一行三人八點九黎到時，見有好多檯吉o左... weekend我估會旺d~老闆娘及幾位樓面姐姐熱情招攬，我o地於是揀o左坐門口位置~天寒地凍露天打邊爐別有一番風味~我o地點左香辣雞煲，因為唔知有幾辣，所有叫姐姐整個輕手微辣版...點知黎到真係好唔辣下! 於是叫姐姐加辣，姐姐送上一碟仔乾辣椒，叫我地慢慢加，因為辣椒係會越煲越辣! 雞煲入而有大量雞件，又有芫茜冬菇~~ 加上我o地又貪心，叫左好多其他火窩料，最後係食剩o左好多!!!!!下次真係要收歛d唔好叫咁多，以免浪費...其他火窩料包括:餐廳自己包o既雲吞 - 要留意，佢o係雲吞唔係平時食開o既薄友鮮蝦雲吞，而係好似餃子咁o既豬肉馬蹄粟米餃羊肉片肥牛 - 好味炸支竹紅薯粉 - 煮起份量好多呀~~ 又係食唔晒金菇魚蛋魚友餃唐生菜價錢分13蚊同26蚊兩款下次真係要收歛d唔好叫咁多，以免浪費...另外大家要留意，

朋友話呢度嘅雞煲好味, 所以抵著9度低溫坐街邊品嚐呢個惹味雞煲.涼伴豬耳 - 用蒜茸, 青瓜, 芫茜加上麻油, 辣油...等等, 豬耳爽脆, 佐酒一流.涼伴雞腎 - 同涼伴豬耳做法一樣, 都係咁好味! 朋友已經飲咗幾杯酒lu.雞煲(半隻) - 半隻雞都唔細鍋喎! 個雞煲落咗芫茜, 洋蔥, 乾蔥, 薑片, 八角....等等, 好惹味呀! 又有冬菇添, 雞件又滑! 正!另加嘅配料中肥牛真係犀利, 比手掌重要大, 肥瘦平均, 牛味夠又爽口!其他嘅配料好似薯粉咁, 又係一流, 爽滑, 放入個鍋度吸收晒雞煲嘅味! yummy ! 後記: 呢度真係食過番尋味, 下次一定要叫多d 朋友o黎食!

「除夕夜你去了哪裡？」有人去蘭桂芳劈酒，有人去尖沙咀同人迫迫迫，亦有人去西九海傍睇一年一度的 IFC 煙花倒數，而我則比較古怪，選擇走入大西北，在這只得攝氏八度的晚上，和女友吃重慶雞煲。或者因為青春期已過，失去了年少氣盛時的魄力，實在沒有興趣在鬧市中似龜速慢步，就連倒數玩通頂也已是黑板上被抹掉的粉筆字，今時今日，連凌晨時份的歐聯賽事我也不稍一看，要眼光光捱天光，真是太難。搭西鐵入朗屏，對我來說仍是個挺陌生的地方，沿地圖指示找到了來來食坊，當時未到七點，店內仍然不少空位，環境光猛，地方也不迫夾，每張檯也放了 gas 爐，來這裡，就是為了吃火鍋啦！餐牌上有各式各樣的火鍋窩底選擇，包括了四川麻辣火鍋、香辣雞／鴨煲、麻辣雞／鴨煲、也有時令的羊腩煲，價錢由 $138 - $158 不等，另有約三十款 $13 或 $26 的配料供應。為了在除夕晚烚個夠皮，二人揀選了麻辣雞煲 ($138)，再另叫美國肥牛 ($26)、紅薯粉 ($13) 和娃娃菜 ($13)。這裡的熱煲是即叫即製的，等了差不多半個小時，阿姐終於將雞煲呈上，當然循例要為食物拍寫真，良久，才夾起鮮雞件放入口，就在此時，老闆娘突然指著我們

同老公專登大埔渣車去元朗食雞煲, 一心諗住去食開果間(大坑渠附近B仔隔離), 點知去到先知東主有喜休業一天, 本來都唔知有呢間存在, 都係上黎開飯搵先知, 呢間都唔難搵, 0係附近泊好架車就入去搵位。呢間入到去環境乾淨, 光猛, 坐滿都唔會好迫, (大坑渠果間就相反喇, 果間有好多蚊滋仔啦, 好迫啦, 地下好滑啦), 有電視睇啦, 門口出面仲有幾張枱, 我地去到都係7點幾, 所以唔多客, 得兩三枱, 我地9點左右食完走果陣坐滿哂架。睇睇餐牌, 同另外果間D野食都係咁上下款式, 問老闆娘先知, 兩間本來係一齊既, 後來變左獨立經營囉。我地都係叫返我地既例牌大香辣雞煲$138一隻雞+炸枝竹$13+菜(唔記得幾$)+白飯一碗, 老公仲加多碟鵝腸。等左一陣仔, 個煲就黎喇, 依然係咁香味四溢, 水準同另外果間無分別囉, 我地叫既係小辣, 中辣食唔掂啦, 一滾起即刻起筷啦。味道濃郁, 送飯一流, 一路睇住電視一路食, 兩個人食左個零鐘就搞掂左一隻雞喇, 不過我見D員工人手好似唔係幾夠, 得兩三個, 做到踢哂腳咁, 老闆娘都要走黎走去招呼客人, 有D客都會體諒既。 食完仲將D湯帶埋返屋企(自己帶左