Video
Read full review
2024-08-06
691 views
元朗出名多美食，難得嚟到，特登搵咗間好有人氣嘅火鍋店食餐好。餐廳環境企理，裝修走懷舊風，都坐得幾舒服。呢度嘅鍋底有好多選擇，有海鮮、麻辣雞、椰子雞、藥膳雞、胡椒豬肚雞，連泰式冬陰功都有。又或者單點湯底亦得。川味特製麻辣雞煲（半隻）麻辣雞煲嘅麻度同辣度都可以自己選擇，我就揀咗BB辣中麻，過癮得嚟又唔會食得好辛苦😇新鮮騸古吊龍伴（細）雖然係揀咗細，但份量比想像中多。牛肉新鮮，好重肉味，雪花好靚，肥瘦均勻。唔好淥太熟，可以保持軟嫩質感，同滿滿嘅肉汁。即炸紫菜響鈴超巨大嘅響鈴，一件要分幾啖先食得晒。超級掛汁，香濃美味。冬菇雙滑（蝦/墨魚）賣相好精緻，將蝦滑同墨魚滑樣喺冬菇裏面，可以一次過食到兩種唔同嘅口感，而且味道都幾夾。自製韭菜餃（半份）韭菜餃係自家製，雖然size唔係好大，但都有滿滿嘅餡料。蓮藕片覺得蓮藕片同麻辣好襯，口感爽爽地，非常惹味。烏冬最後嚟一個麻辣醬撈烏冬，烏冬口感煙靭，又掛汁，正！青檸梳打食麻辣梗係要飲返杯fresh嘅飲品清新一下
呢度嘅鍋底有好多選擇，有海鮮、麻辣雞、椰子雞、藥膳雞、胡椒豬肚雞，連泰式冬陰功都有。又或者單點湯底亦得。
川味特製麻辣雞煲（半隻）
麻辣雞煲嘅麻度同辣度都可以自己選擇，我就揀咗BB辣中麻，過癮得嚟又唔會食得好辛苦😇
新鮮騸古吊龍伴（細）
雖然係揀咗細，但份量比想像中多。牛肉新鮮，好重肉味，雪花好靚，肥瘦均勻。唔好淥太熟，可以保持軟嫩質感，同滿滿嘅肉汁。
即炸紫菜響鈴
超巨大嘅響鈴，一件要分幾啖先食得晒。超級掛汁，香濃美味。
冬菇雙滑（蝦/墨魚）
賣相好精緻，將蝦滑同墨魚滑樣喺冬菇裏面，可以一次過食到兩種唔同嘅口感，而且味道都幾夾。
自製韭菜餃（半份）
韭菜餃係自家製，雖然size唔係好大，但都有滿滿嘅餡料。
蓮藕片
覺得蓮藕片同麻辣好襯，口感爽爽地，非常惹味。
烏冬
最後嚟一個麻辣醬撈烏冬，烏冬口感煙靭，又掛汁，正！
青檸梳打
食麻辣梗係要飲返杯fresh嘅飲品清新一下
Post
