大家樂 (Closed)

今晚唔煮飯，同老公去附近水族商場嘅大家樂食，聽老公講話呢個商場嘅大業主係「舖王」鄧成波，人稱（波叔）。呢個商場曾經搞過大改革，由普通商場打造成香港水族廣場，以售賣熱帶魚及水族用品為主，希望與旺角"金魚街"分庭抗禮，可惜轉形不成功，現在只剩下零星有金魚及水族用品出售的店舖，而其他店舖亦不斷搬出搬入、所以大家樂可算係呢個商場嘅 '老臣子'。講番食物，叫咗两份紐西蘭爵士牛扒餐，揀咗黑椒汁，每份 $44，另加 $6要咗個香草焗田螺試試。啲牛扒的確唔錯，肉質好淋，汁液豐富，加上鐵板夠熱，倒汁時啲黑椒汁汁液四濺，比起附近康怡廣場嘅越棧鐵板牛扒餐好味得多。個酥皮湯啲酥皮雖然焗得唔夠燶 (可以再燶啲) ， 但也不失酥香鬆化 。個薯角就不過不失，點啲黑椒汁食都幾好味。唯一敗筆就係個焗田螺，淡而無味，完全沒有焗過嘅感覺，味同嚼臘，可以不叫。