Video
Read full review
2010-11-24
55 views
早一排師傅同幾個好友把酒言歡, 雖然期間又飲又食, 但師傅始終唔多夠皮, 於是散左之後就決定搵個宵夜吃, 邊行邊諗; 突然間師傅記起呢間食店好似愈夜就愈美麗, 愈夜就愈旺場, 反正又未試過就決定試一試啦!入到去食店, 店內唔多食客, 反而外邊就大把, 皆因坐露天可煲煙, 而師傅由於唔煙得, 所以梗係坐裡面穩陣啦! 坐底後即刻睇下有咩食, 師傅飲到大大地, 味覺或多或少都會有影響, 所以呢個時候叫常餐應該係最保險, 就揀左個常餐! 常餐有方包, 師傅將方包改為多士, 仲有火腿奄列, 沙爹牛肉公仔麵, 餐飲就揀左凍檸茶!呢款常餐最好就係唔使等太耐, 拿拿聲食完可以返歸訓覺, 所以師傅好方就有得食, 多士都幾脆幾香口, 但冇咩牛油, 如果多少少牛油會更香口; 火腿奄列就比較乾身, 煎得比較就, 不過油多都正常, 皆因冇咁易 “痴鑊”, 餐茶廳係咁上下啦; 而火腿絲嘅份量都幾多, 所以味道不錯; 沙爹牛肉公仔麵反而比較令師傅失望, 皆因湯底都幾咸, 沙爹味唔香, 可幸係牛肉份量都幾多, 而且鬆身唔韌, 所以沙爹牛肉尚可, 不過個公仔麵就差, 最主要原因係煮唔腍, 仲硬硬地好似未煮熟咁, 令到公
入到去食店, 店內唔多食客, 反而外邊就大把, 皆因坐露天可煲煙, 而師傅由於唔煙得, 所以梗係坐裡面穩陣啦! 坐底後即刻睇下有咩食, 師傅飲到大大地, 味覺或多或少都會有影響, 所以呢個時候叫常餐應該係最保險, 就揀左個常餐! 常餐有方包, 師傅將方包改為多士, 仲有火腿奄列, 沙爹牛肉公仔麵, 餐飲就揀左凍檸茶!
呢款常餐最好就係唔使等太耐, 拿拿聲食完可以返歸訓覺, 所以師傅好方就有得食, 多士都幾脆幾香口, 但冇咩牛油, 如果多少少牛油會更香口; 火腿奄列就比較乾身, 煎得比較就, 不過油多都正常, 皆因冇咁易 “痴鑊”, 餐茶廳係咁上下啦; 而火腿絲嘅份量都幾多, 所以味道不錯; 沙爹牛肉公仔麵反而比較令師傅失望, 皆因湯底都幾咸, 沙爹味唔香, 可幸係牛肉份量都幾多, 而且鬆身唔韌, 所以沙爹牛肉尚可, 不過個公仔麵就差, 最主要原因係煮唔腍, 仲硬硬地好似未煮熟咁, 令到公仔麵口感其差, 師傅食到一半都冇食了; 最後凍檸茶係普普通通, 一般水準冇大驚喜!
總括黎講常餐水準一般, 環境清潔乾淨, 服務亦可, 價錢都相宜, 埋單二十七蚊, 比師傅覺得平左, 係咪收少左師傅都唔敢肯定, 皆因真係飲到大大地! 記得上次師傅見到佢地嘅小炒好似幾得, 所以有機會都想試下, 雖然呢間食店係愈夜就愈美, 但是次笑臉未能一比, 不過機會仍是有的!
Post
