Pepper Lunch Express (朗豪坊)

Open Now

Now Closed

去到Food Court,同圍揀都唔知食咩好,所以去最多人食既Pepper Lunch喇，睇人龍就知道佢吸引喇,門口仲話明話你知要等廿分鐘,橫掂唔趕時間,等就等喇。今次要左依個黑椒芝士雞肉飯。我實在太愛芝士喇，又係咁見到則邊D人叫,所以就叫左依個。食落口感真係好豐富，又黑椒，又芝士加埋佢個汁,最特別既就係三種味夾埋一齊食竟然完全無違和感，三種味道都好分明,仲有一樣野係我比較唔明，鐵板上而其實真係已經有好多油,當然係怕黐底喇，但神奇既係,我食個飯食到最尾竟然有飯焦,可能係因為有芝士喇,個飯焦好鬼香口，脆脆地十分之好食,朋友就叫左個黑椒牛肉飯，送汽水。朋友就只係講左份量好似少左,不過味道當然就正常喇,佢依個應該比我個飯淡口。