東門町 (Closed)

行過好幾次都想試，但無坐位企喺度食大狼狽，今日買咗碗返屋企慢慢嘆。叫咗蘿白同佢推介嘅瀨尿牛丸，$23。牛丸食味普通，只不過係牛丸入面有免治肉饀，唔覺有咩特別，反而蘿白好入味。叫咗小辣，頭幾啖都覺得無乜嘢，但愈食雙唇愈麻，但又唔捨得唔食，因為味道的確唔錯，微酸加上麻辣非常醒胃，湯底亦香濃。不過，企喺度食，仲要食辣嘢攪到身水身汗真係好唔方便，除非咁啱可以買返屋企食，唔係都未必會堂食幫襯。