回到味來 (Closed)

朋友聚會總離不開打邊爐同放題，選擇多照顧到每個人需要之餘，仲可以邊坐邊傾計！今日我哋就去咗旺角嘅一間雞煲火鍋店，呢間雞煲火鍋店專賣惡魔雞煲，即係夠晒麻辣嘅雞煲。惡魔雞煲分咗小惡魔、中惡魔、大惡魔同埋終極大魔頭，食半隻雞$158 ，全隻就$298 ，但係越食得辣就越平，如果叫中惡魔就會有全單九折，大惡魔就全單八折，如果你係終極大魔頭，咁就會有全單七折。呢度嘅雞煲唔係一味得個辣，佢仲有一般雞煲都有嘅香味，而且雞肉亦都唔會炒得太老，非常之唔錯。另外呢度嘅海鮮同牛肉質素都唔錯。有部份嘅食材可以單點又或者任食整體來講，如果你鍾意食辣嘅話，而且你食得好辣嘅話，就一定要黎試吓啦