十三少酸菜魚 (Closed)

又黎到大角咀覓食 🍽️今次食我最鍾意嘅酸菜魚 13少酸菜魚🐟 呢間餐廳菜色嘅選擇唔多 大約有六七款菜式啦 叫得酸菜魚一定係主打食酸菜魚 酸菜魚有辣同唔辣選擇 不過酸菜魚唔辣邊好食嫁😋 等咗一陣終於上菜啦 湯一啲都唔油 試咗一啖魚後 發覺真係好辣 愈食愈辣 真係頂唔順💣💥 大部分都去咗骨 魚身超級滑啖啖肉 入面都有萵筍同菇類 當然唔少得係酸菜啦 如果可以有加寬面就更好 我覺得同出面比較起嚟呢間比較酸同埋比較辣🌶️希望遲啲可以揀辣度 另外我哋叫咗個手拍青瓜 🥒做得唔錯青瓜好入味可以幫我解下啦 另外我想讚下個餐前小食 應該係炸黃豆 炸到脆卜卜又甜甜地好好食