Video
Read full review
2016-03-08
1557 views
朋友之前食過呢間餐廳，極力推介話好好食，於是用農曆生日為藉口，同老公一齊去試下。餐廳雖然唔係好大，但一入到去氣氛唔錯，光線暗暗地，又有柔和既background music，有情調，好岩拍拖傾計談心！我地坐低冇耐，有個職員發現我有左bb，就遞左個cushion 比我墊住條腰…好細心！值得一讚！Set dinner 有兩款，我揀左Gourmet Dinner Menu。首先黎麵包＋黑松露牛油。麵包有幾款唔同款，上既時候仲熱熱地，好新鮮！食落鬆軟！個待應介紹我地試下配佢地既陳醋同橄欖油一齊食。聽個侍應介紹，枝陳醋醲左12年，係特登由意大利入口，包裝仲好靚！配上麵包一齊食，好好食，味道偏甜，唔會太酸，好開胃！第一道上既菜係炭烤八爪魚配青蘋果沙拉。八爪魚烤得剛剛好，咬落去外面脆脆地，內裡仲鎖住d肉汁，再夾埋青蘋果一齊食，青蘋果既爽甜配上八爪魚既脆香，兩者夾得岩岩好！好食！Pasta方面選左海膽Risotto配煎帶子。呢個又係出奇地好味!原本以為海膽Risotto會有d腥，但食落口一d腥味都冇，口感creamy，但又唔會好「流」，飯既份量調較得岩岩好，上面既帶子大大粒，煎得恰到好處，切開後可以見
餐廳雖然唔係好大，但一入到去氣氛唔錯，光線暗暗地，又有柔和既background music，有情調，好岩拍拖傾計談心！
我地坐低冇耐，有個職員發現我有左bb，就遞左個cushion 比我墊住條腰…好細心！值得一讚！Set dinner 有兩款，我揀左Gourmet Dinner Menu。
首先黎麵包＋黑松露牛油。
麵包＋黑松露牛油
146 views
0 likes
0 comments
配上麵包一齊食，好好食，味道偏甜，唔會太酸，好開胃！第一道上既菜係炭烤八爪魚配青蘋果沙拉。八爪魚烤得剛剛好，咬落去外面脆脆地，內裡仲鎖住d肉汁，再夾埋青蘋果一齊食，青蘋果既爽甜配上八爪魚既脆香，兩者夾得岩岩好！好食！
Pasta方面選左海膽Risotto配煎帶子。
呢個又係出奇地好味!原本以為海膽Risotto會有d腥，但食落口一d腥味都冇，口感creamy，但又唔會好「流」，飯既份量調較得岩岩好，上面既帶子大大粒，煎得恰到好處，切開後可以見到仲有汁鎖住係入面，入口亦好新鮮！值得一試！之後上既係烤安格斯美國肋眼扒配沙律。
肋眼扒我選左5成熟。上碟個賣相好靚，塊扒烤既火喉控制得岩岩好，咬落去好有肉汁，好juicy…除左塊扒，伴碟既烤美國薯仔都但得一讚！廚師將薯皮烤得好脆，薯仔食落口好軟好綿好有薯香！老公話嫌個薯仔太細舊喇，好食到比多幾舊都仲食得落！食完咁多樣菜，其實都已經好飽喇，最後上埋咖啡／茶加指定甜品：Tiramisu配雪糕。
出面食既Tiramisu好怕太甜，但呢個食落口甜度適中，食完後唔好有種好「流」既感覺。GOOD!除左環境、食物外，另外值得一讚既係侍應既服務態度都好好！佢地每上一碟菜都會介紹菜名同食法；當食完一道菜佢地都會好勤力咁換過乾淨既碟同餐具；加上佢地控制上菜既速度都好好，會見您食完一碟菜，隔一陣先會再上第二碟，等個胃有足夠既時間消化！
總括而言，呢餐真係食得好開心同滿足！
Post
