Video
Read full review
2022-09-04
81 views
📍 餐廳：Iberians (尖沙咀)地址：尖沙咀科學館道14號新文華中心地下82-83 及85號舖食咗一個愉快嘅週末半自助午餐，跟餐會有一份主菜、餐湯同甜品，小食同飲品就任飲任食，款式種類都幾多，三百幾都真係幾抵食，而且整體嘅食物質素，同餐廳環境都非常之滿意。主菜🐮 燉自家煙燻安格斯牛肋條 $338煙燻味道濃厚，牛肋條份量都幾多，燉到夠軟腍夠入味，另外有紫薯同沙律作伴，紫薯好甜好好食。🥩 燒紐西蘭肉眼配燒汁 $358叫咗五成熟，生熟度啱啱好，牛味濃郁，肉質鮮嫩，同樣有紫薯同沙律作伴。餐湯小食1️⃣ 蟹肉瑞士卷瑞士卷入面放咗唔少蟹肉，啖啖都食到蟹肉嘅鮮甜味道。2️⃣ 蟹肉蜜桃撻入面注滿蟹肉，表面有蜜桃，食落好酥脆。3️⃣ 白酒煮藍青口青口都幾厚肉，味道都唔錯。4️⃣ 巴馬火腿配哈密瓜巴馬火腿肉質軟嫩，配上哈密瓜嘅獨特甜味，芳香中透著細緻嘅甘甜。5️⃣ 香辣蒜香橄欖油大蝦大蝦完全吸收哂蒜香嘅味道，但唔算好辣。6️⃣ 烤西班牙蛋餅蛋餅比想像中厚身，蛋味濃郁，口感都幾特別，有少少似蛋糕咁。7️⃣ 炸魷魚鬚魷魚鬚炸到金黃色，外脆內軟，香脆可口。8️⃣ 炸雞翼炸到啱啱好，唔會好乾，食落去好Juicy，結果Encore咗兩次。9️⃣
餐廳：Iberians (尖沙咀)
地址：尖沙咀科學館道14號新文華中心地下82-83 及85號舖
食咗一個愉快嘅週末半自助午餐，跟餐會有一份主菜、餐湯同甜品，小食同飲品就任飲任食，款式種類都幾多，三百幾都真係幾抵食，而且整體嘅食物質素，同餐廳環境都非常之滿意。
主菜
🐮 燉自家煙燻安格斯牛肋條 $338
煙燻味道濃厚，牛肋條份量都幾多，燉到夠軟腍夠入味，另外有紫薯同沙律作伴，紫薯好甜好好食。
🥩 燒紐西蘭肉眼配燒汁 $358
叫咗五成熟，生熟度啱啱好，牛味濃郁，肉質鮮嫩，同樣有紫薯同沙律作伴。
餐湯
小食
1️⃣ 蟹肉瑞士卷
瑞士卷入面放咗唔少蟹肉，啖啖都食到蟹肉嘅鮮甜味道。
2️⃣ 蟹肉蜜桃撻
入面注滿蟹肉，表面有蜜桃，食落好酥脆。
3️⃣ 白酒煮藍青口
青口都幾厚肉，味道都唔錯。
4️⃣ 巴馬火腿配哈密瓜
巴馬火腿肉質軟嫩，配上哈密瓜嘅獨特甜味，芳香中透著細緻嘅甘甜。
5️⃣ 香辣蒜香橄欖油大蝦
大蝦完全吸收哂蒜香嘅味道，但唔算好辣。
6️⃣ 烤西班牙蛋餅
蛋餅比想像中厚身，蛋味濃郁，口感都幾特別，有少少似蛋糕咁。
7️⃣ 炸魷魚鬚
魷魚鬚炸到金黃色，外脆內軟，香脆可口。
8️⃣ 炸雞翼
炸到啱啱好，唔會好乾，食落去好Juicy，結果Encore咗兩次。
9️⃣ 炸雞軟骨
真係好大份，而且好多粒，落埋檸檬汁，味道更佳。
精選甜品
🔟 西班牙油條
Churros鋪滿砂糖，鹹中帶甜，口感鬆脆，真係勁好食，完全為今餐作一個完美嘅句號。
Post
