Video
Read full review
2013-07-11
2339 views
放工後想去太古睇Lego展, 又一個藉口俾我地黎呢度飲湯 由佢在舊店搬到黎呢間新店, 一直都好喜歡這裡的食物, 而且唔會怕有味精同多油, 好味又健康!我地每次黎到都會例牌叫一煲湯同一個菜加一個餸, 2個人食岩岩好。(另外會叫白飯1-2個)。見到佢有一個特別推介既Menu, 店員又推介一下, 於是今次破例試一點新奇有趣的食品。呢個係每日靚湯Menu, 可以根據自己喜歡的湯水的日子上去喇!今日星期二, 我地飲到既係"合掌瓜節瓜無花果煲魚湯":::成個湯感覺丁點兒油都沒有, 而且非常鮮甜, 而魚味香而不腥, 大大煲的, 每人約有3-4碗, 最後我們都喝清光!!三色蛋油麥菜:::其實以佢呢個價錢($55)我覺得都算大份, 個三色蛋湯入面都有皮蛋同蛋黃, 看圖都應該見到沒有特別落油, 好清但係蛋黃又令佢有D味道! 好味 飛魚子脆蝦球::煎炸既野食最岩我口味嘻嘻! 呢個係在"特別推介"既Menu入面, 應該唔係成日有得叫, 我地經過店員既介紹同解釋, 原來面果層一粒粒既係麵包粒"痴"在蝦球上面炸的! 蝦球不是原隻, 而是似蝦丸狀的, 不過食落去仍然係好香鮮蝦味, 廚師再配以凍冰冰既沙津醬讓食客
由佢在舊店搬到黎呢間新店, 一直都好喜歡這裡的食物, 而且唔會怕有味精同多油, 好味又健康!
我地每次黎到都會例牌叫一煲湯同一個菜加一個餸, 2個人食岩岩好。(另外會叫白飯1-2個)。
見到佢有一個特別推介既Menu, 店員又推介一下, 於是今次破例試一點新奇有趣的食品。
呢個係每日靚湯Menu, 可以根據自己喜歡的湯水的日子上去喇!
今日星期二, 我地飲到既係"合掌瓜節瓜無花果煲魚湯":::成個湯感覺丁點兒油都沒有, 而且非常鮮甜, 而魚味香而不腥, 大大煲的, 每人約有3-4碗, 最後我們都喝清光!!
三色蛋油麥菜:::其實以佢呢個價錢($55)我覺得都算大份, 個三色蛋湯入面都有皮蛋同蛋黃, 看圖都應該見到沒有特別落油, 好清但係蛋黃又令佢有D味道! 好味
飛魚子脆蝦球::煎炸既野食最岩我口味嘻嘻! 呢個係在"特別推介"既Menu入面, 應該唔係成日有得叫, 我地經過店員既介紹同解釋, 原來面果層一粒粒既係麵包粒"痴"在蝦球上面炸的! 蝦球不是原隻, 而是似蝦丸狀的, 不過食落去仍然係好香鮮蝦味, 廚師再配以凍冰冰既沙津醬讓食客加在脆蝦球上, 當中的冷熱對比很強烈! 最後....食到最中心層, 佢有D一粒粒好似蟹籽既東東, 應該就係佢個餸名既"飛魚子"喇! 呢個餸好味同有創意! 有機會大家可以一試!
Post
