Video
Read full review
2018-05-25
687 views
而家好多自助餐餐廳都會搞唔同嘅小噱頭 去吸引人客！呢間餐廳喺星期一二晚搞左個估芝士遊戲，6點就放左個時既芝士重量，要估8點既時候芝士重量變左幾多，估得最接近嗰個芝士嘅重量就可以有免費buffet食啦！我覺得都幾好玩！所以就同fd黎食！like Facebook仲可以有杯凍蜜桃蘋果茶，唔算太甜都幾好飲其實食物選擇相對好多餐廳嚟講唔算太多，但個人覺得而家食自助餐已經唔係只係睇菜式多唔多，有時菜式太多反而會覺得浪費 ，對我黎講食物有質素同埋服務嘅態度好就夠啦！ 冷盤熱盤甜品刺身基本上樣樣都有啲。 所以我已經好滿足㗎啦！幾特別嘅係佢有師傅係呢個鐵板燒上面唔係淨係燒牛，仲會燒三文魚！和牛粒都幾好味，油脂分佈都幾均勻，師傅掌握個生熟程度好好，唔會過分韌！ 三文魚扒唔係全熟，好嫩口，又有燒既香味！正！個意粉帶子就係用估果嗰嚿芝士黎緊煮嘅，都幾creamy，有啲洋蔥粒調味做得好好！ 佢仲有我好鍾意食嘅麵包條呀！我成晚食咗好多條！ 海鮮係用冬陰公喇沙湯底煮，都幾入味！ 長腳蟹不過不失。個紫菜肉丸湯都幾搞鬼，咁中式嘅嘢真係冇喺自助餐見過。 鹹咗少少，不過幾有新意！加分！ 焦糖燉蛋好好食！我食咗兩個！唔算太
like Facebook仲可以有杯凍蜜桃蘋果茶，唔算太甜都幾好飲
其實食物選擇相對好多餐廳嚟講唔算太多，但個人覺得而家食自助餐已經唔係只係睇菜式多唔多，有時菜式太多反而會覺得浪費 ，對我黎講食物有質素同埋服務嘅態度好就夠啦！ 冷盤熱盤甜品刺身基本上樣樣都有啲。 所以我已經好滿足㗎啦！
幾特別嘅係佢有師傅係呢個鐵板燒上面唔係淨係燒牛，仲會燒三文魚！和牛粒都幾好味，油脂分佈都幾均勻，師傅掌握個生熟程度好好，唔會過分韌！ 三文魚扒唔係全熟，好嫩口，又有燒既香味！正！
個意粉帶子就係用估果嗰嚿芝士黎緊煮嘅，都幾creamy，有啲洋蔥粒調味做得好好！ 佢仲有我好鍾意食嘅麵包條呀！我成晚食咗好多條！ 海鮮係用冬陰公喇沙湯底煮，都幾入味！ 長腳蟹不過不失。
個紫菜肉丸湯都幾搞鬼，咁中式嘅嘢真係冇喺自助餐見過。 鹹咗少少，不過幾有新意！加分！ 焦糖燉蛋好好食！我食咗兩個！唔算太甜，焦糖烤得好脆！唔會太薄！ 啲蜆係凍嘅，蟹都係！ 不過夏天啦嘛！凍食有凍食既好處。
刺身方面，三文魚都幾新鮮。好鍾意呢個胡麻醬豆腐，去到邊我都會食嘅！碟上面就係我講嘅和牛同埋三文魚粒啦！仲有少少熱盤，個東坡肉有少少韌，如果可以再炆林啲就正啦！
整體嚟講餐廳食物質素唔錯！平日黎講佢都算多人，差唔多坐爆曬咁濟！服務態度亦都好，每個侍應都會對你笑，唔係嗰啲黑口黑面嗰啲friend，收碟速度都幾快 今餐係令人愉快嘅晚餐
Post
