Video
Read full review
2017-05-22
56 views
繼520大餐後男朋友又話帶我食好野，等我期待左幾日。佢約左我係銅鑼灣等，邊行邊同我講去食大排檔，我即刻呆左呆。佢又笑笑口講食係一間食西餐嘅大排檔。餐廳裝飾行懷舊貼地風格，門口痴左一排黑白相，招牌用霓虹燈砌行。既親切又熟悉。餐巾都好特別，大紅燙金，好搶眼。燒吞拿魚沙律配千島汁。沙律份量對得住價錢，都幾多同足料。除左各類蔬菜外，仲有菠蘿同大大舊嘅吞拿魚！係成舊架，唔係小小嘅肉碎。千島汁酸酸甜甜好開胃，蔬菜都好新鮮，特別係生菜，水份充足，好似飲緊水咁。另外吞拿魚唔會太熟，食落似三文魚嘅味，加上燒嘅時候落左黑椒，味道幾好。餐廳雖然行貼地路線，但細緻位一啲都唔麻虎，每食一碟菜都會好細心幫每位客人換一隻碟。黑毛豬熱脆包。個包好脆，每切一下都好響。咬落外脆內軟，中間嘅黑毛豬有小小似烤豬一樣肉滑味濃，肥瘦適中，仲搽左小量嘅芥末醬，令味道嘅層次豐富左。焗法國連殼食田螺。田螺上檯時好精緻，五個用酥皮包住嘅田螺放係薯蓉上面，酥皮上面仲淋左一層香草汁，鹹鹹地。薯蓉未完全打爛，仲可以咬到小量薯仔粒。酥皮脆口，田螺稔身，口感上兩者配合得好好。燒牛脷。平時見開嘅牛脷係一片片，e到係一條條。燒到滑嫩可口，外面燶燶地嘅
餐廳裝飾行懷舊貼地風格，門口痴左一排黑白相，招牌用霓虹燈砌行。既親切又熟悉。餐巾都好特別，大紅燙金，好搶眼。
燒吞拿魚沙律配千島汁。
沙律份量對得住價錢，都幾多同足料。除左各類蔬菜外，仲有菠蘿同大大舊嘅吞拿魚！係成舊架，唔係小小嘅肉碎。千島汁酸酸甜甜好開胃，蔬菜都好新鮮，特別係生菜，水份充足，好似飲緊水咁。另外吞拿魚唔會太熟，食落似三文魚嘅味，加上燒嘅時候落左黑椒，味道幾好。
餐廳雖然行貼地路線，但細緻位一啲都唔麻虎，每食一碟菜都會好細心幫每位客人換一隻碟。
黑毛豬熱脆包。
個包好脆，每切一下都好響。咬落外脆內軟，中間嘅黑毛豬有小小似烤豬一樣肉滑味濃，肥瘦適中，仲搽左小量嘅芥末醬，令味道嘅層次豐富左。
焗法國連殼食田螺。
田螺上檯時好精緻，五個用酥皮包住嘅田螺放係薯蓉上面，酥皮上面仲淋左一層香草汁，鹹鹹地。薯蓉未完全打爛，仲可以咬到小量薯仔粒。酥皮脆口，田螺稔身，口感上兩者配合得好好。
燒牛脷。
平時見開嘅牛脷係一片片，e到係一條條。燒到滑嫩可口，外面燶燶地嘅顔色，切開係好吸引嘅暗紅色。肥瘦岩岩好，入口即溶，好似食緊蛋糕咁，好滑。點汁食可以中和左牛脷嘅油膩，所以建議點汁食。配菜都較為出色，荷蘭豆爽口，紫薯蓉甜甜地。
燒春雞。
成隻雞開胸烤上碟，細細隻，上面有放左d香草，聞落好香好吸引！食落有孜然粉等各種香料的嘅味，但又唔會搶左雞肉嘅鮮味。雞隻醃得好入味，連骨都好香口。
原隻蜜桃雪葩。
一上檯已經心心眼😍😍迷人嘅粉紅色深深吸引住我。好香嘅桃味傳出，成個桃都好靚，睇到都流口水！雪葩充滿蜜桃嘅香味，入口香甜軟滑，好好食！
Post
