Video
Read full review
2015-06-20
401 views
老婆腹大便便, 突然想食小炒, 知道三坡坊有幾間, 就去試下。最右手面嗰間之前試過, 不過不失, 但見冇乜人, 而潮興差唔多坐滿晒, 又光猛, 諗住應該都唔差啦。去到唔使等, 有位直入, 一坐落去, 而經feel 到枱底有嘢咬, 唔知係蚤定蚊, 諗住扯高張長到落地嘅枱布, 伙記行過又係到要放番落嚟, 算數!睇咗menu, 老婆想食椒鹽鮮尤, 發覺menu 有「椒鹽鮮尤」 同 「椒鹽煎鮮尤」, 價錢都唔同, 都好奇想試下「椒鹽煎鮮尤」。好喇, 到點菜, 知道呢D 小炒地方, 人多伙記多但好鬼忙, 都知道要叫三四五六次先會幫你點菜, 點咗三樣, 再問下: 「椒鹽鮮尤」 同 「椒鹽煎鮮尤」有乜分別。個伙記, 串串貢咁話, 我地呢度冇「椒鹽煎鮮尤」, 「椒鹽煎鮮尤」即係「椒鹽鮮尤」。我嘅刻拎個menu 佢睇, 我話明同價錢都唔同。佢停咗一陣話:咁係佢寫錯啫!.......算數, 叫咗下面幾樣1. 椒絲腐乳通菜2. 沙窩魚頭煲3. 沙爹肥牛粉絲煲4. 椒鹽鮮尤五分鐘後, 理應嚟嘅「椒絲腐乳通菜」, 一食落口, 好鬼鯹! 好重生水味! 跟住發覺, 好似冇腐乳嘅, 再check 番個價錢 (因為正常
最右手面嗰間之前試過, 不過不失, 但見冇乜人, 而潮興差唔多坐滿晒, 又光猛, 諗住應該都唔差啦。
去到唔使等, 有位直入, 一坐落去, 而經feel 到枱底有嘢咬, 唔知係蚤定蚊, 諗住扯高張長到落地嘅枱布, 伙記行過又係到要放番落嚟, 算數!
睇咗menu, 老婆想食椒鹽鮮尤, 發覺menu 有「椒鹽鮮尤」 同 「椒鹽煎鮮尤」, 價錢都唔同, 都好奇想試下「椒鹽煎鮮尤」。好喇, 到點菜, 知道呢D 小炒地方, 人多伙記多但好鬼忙, 都知道要叫三四五六次先會幫你點菜, 點咗三樣, 再問下: 「椒鹽鮮尤」 同 「椒鹽煎鮮尤」有乜分別。個伙記, 串串貢咁話, 我地呢度冇「椒鹽煎鮮尤」, 「椒鹽煎鮮尤」即係「椒鹽鮮尤」。我嘅刻拎個menu 佢睇, 我話明同價錢都唔同。佢停咗一陣話:咁係佢寫錯啫!.......算數, 叫咗下面幾樣
1. 椒絲腐乳通菜
2. 沙窩魚頭煲
3. 沙爹肥牛粉絲煲
4. 椒鹽鮮尤
五分鐘後, 理應嚟嘅「椒絲腐乳通菜」, 一食落口, 好鬼鯹! 好重生水味! 跟住發覺, 好似冇腐乳嘅, 再check 番個價錢 (因為正常你應該唔識睇伙記係你張單上面鬼劃符嘅菜名), 係喎, 俾「椒絲腐乳通菜」少咗5蚊, 咁即係佢寫錯單....算數!!
等咗十分鐘, 「沙爹肥牛粉絲煲」嚟, 芽菜佔60%, 牛肉10%, 粉絲10%, 菠蘿20%, 仲要係希到水咁, 咁不如改名叫「沙爹水灼芽菜菠蘿煲」, 算數!!
三分鐘後, 「椒鹽鮮尤」到, 炸粉一舊舊, 又厚又硬, 仲要唔夠熱, 似係炸定咗二三日再係面頭係咁二落D唔知乜嘢類似蒜粒嘅嘢
緊接嘅 「沙窩魚頭煲」, 唔知大家食開小炒舖頭 (唔係茶餐廳)嘅會有乜嘢期待, 一上枱, 好似咁齋嘅, 冇乜配料嘅, 最基本有D綠色嘢係面啦, 佢冇囉。...算數!!
用筷子一撈, 得半個魚頭嘅?!! 仲有另外半個去咗邊? (我真係唔知其他人食開係點, 我自己好鐘意食, 試過好多間嘅魚頭煲, 有平有貴, 除非係好平好茶餐廳嘅先會嚟個細魚頭, 但都會成個開邊)......大佬, 你收我118蚊, 得半份魚頭, 仲要成個乾爭爭, 真係成個, 夾唔開, 要用力篤, 加上一舊燒肉, 三四粒好碎嘅燒肉, 兩片細東菇, 五舊頭腐, 都係嗰句, 唔熱嘅...算數!!
跟住問伙記有冇芬達, 定係你哋呢度得OJ橙汁, 伙記口響響話乜都有, 芬達同OJ都有, 咁我要芬達啦。到寫完張單, 就開始縮沙, 話: 嗱, 到時有乜就乜啦.....我真係想X 佢,......結果都估到, 係冇芬達, 得OJ
我老婆食都冇晒胃口, 通菜又腥, 牛肉粉絲煲又水, 鮮尤又厚粉又硬仲似隔咗幾日, 最唔抵個魚頭煲....
本來想唔浪費, 盡量食, 但都走人。去到收銀俾錢, 講緊電話, 又要拎咗張單, 猛咁拑計數機, 又繼續講電話, 但又講到與無倫次, 收咗線, 又繼續重新拑個機....四個餸, 四個價錢....好難計咩? 我唔介意等你講完電話先.........埋單 HKD354
可能咁啱今次我唔好彩, 見到好多人都好似食得好開心, 要咗好多蒸海鮮...
不過對我來說, 冇下次........
Other Info. :
真係唔建議....態度差, 食問差, 衛生差.......
(The above review is the personal opinion of a user which does not represent OpenRice's point of view.)
Post