素.喜.館

Open Now

Now Closed

午飯時間黎到銅鑼灣，唔知食乜好。於是開 openrice, 最近邊間就果間啦！見到呢間新既Cafe, 就上去！一坐低，睇 menu, 唉！原來食素，頭先睇唔到。唔好意思走，唯有照order. 午餐包湯，主菜同飲品，$88 都算合理價錢。我要了磨菇粟米湯，什菜炒烏冬同花茶。湯好濃，但唔漏，cafe 既 staff 話冇加 cream, 係用好多蔬菜打碎黎煲，咁又幾有誠意。跟住係主菜 - 什菜炒烏冬。呢個真係好驚喜，竟然一d 都唔油，清清地但又好夠味。佢地落左芝麻，好香。烏冬好彈牙又乾身，唔似有d 食店會炒到爛晒，濕林林。而且仲有多種蔬菜 - 椰菜花，茄子，雲耳，翠玉瓜，紅蘿蔔，唔同顏色令我覺得太健康！平時唔會食素既我覺得好滿意，無肉都夠飽同滿足。下次會再黎試佢既晚餐同甜品！